ადამიანის გენომი და ჯანმრთელობა
მეორე საერთაშორისო კონფერენცია
ტრანსლაციური მედიცინა ომიკების ერაში
11-12 მაისი, 2019 წელი
რედისონ ბლუ ივერია, თბილისი, საქართველო
2019 წლის 11-12 მაისს თბილისის სახელმწიფო სამედიცინო უნივერსიტეტის და სამედიცინო გენეტიკის და ეპიგენეტიკის საქართველოს საზოგადოების ორგანიზებით რედისონ ბლუ ივერიაში გაიმართება მეორე საერთაშორისო კონფერენცია - ადამიანის გენომი და ჯანმრთელობა: ტრანსლაციური მედიცინა ომიკების ერაში
კონფერენცია მიზნად ისახავს გენეტიკის სფეროში მიმდინარე ტენდენციების და სიახლეების შესახებ დაინტერესებული მხარეების ინფორმირებას. თანამედროვე მოლეკულურ-გენეტიკური ტექნოლოგიების პრაქტიკაში გამოყენების გამოცდილების გაცნობასა და გაზიარებას სამედიცინო და საბუნებისმეტყველო სამეცნიერო დარგში მოღვაწე პროფესიონალებს შორის.
კონფერენციის ძირითადი სტრუქტურა:
- პლენარული სესიები;
- თემატური პარალელური სესიები;
- ვორკშოპი;
- პოსტერების პრეზენტაცია;
კონფერენციის თემატური მიმართულებები:
- სამედიცინო გენეტიკა
- ეპიგენეტიკა
- გენომიკა და საზოგადოებრივი ჯანდაცვა
- იშვიათი დაავადებების დიაგნოზირება და მკურნალობა
- ონკოგენეტიკა
- ნეიროგენეტიკა
- დაბერების გენეტიკა
კონფერენციის სამუშაო ენები: ქართული და ინგლისური.
კონფერენცია ტარდება რუსთაველის ეროვნული სამეცნიერო ფონდის საერთაშორისო ღონისძიების საგრანტო კონკურსის დაფინანსებით (გრანტი #MG-ISE-18-574).