ელენე აბზიანიძე არის პროფესორი, თბილისის სახელმწიფო უნივერსიტეტის მოლეკულური და სამედიცინო გენეტიკის დეპარტამენტის ხელძღვანელი, სამედიცინო გენეტიკისა და ეპიგენეტიკის საქართველოს საზოგადოების დამფუძნებელი და პრეზიდენტი (www.geneticsgeorgia.org), საქართველოს ფიზიოლოგთა საზოგადოების და საქართველოს ნეირომეცნიერებათა ასოციაციის პრეზიდიუმის წევრი, ასევე არაერთი საერთაშორისო ასოციაციის წევრი. მან მიიღო ბიოლოგიის მეცნიერებათა კანდიდატის და შემდეგ ბიოლოგიის მეცნიერებათა დოქტორის ხარისხი საქართველოს მეცნიერებათა აკადემიის ივ.ბერიტაშვილის სახელობის ფიზიოლოგიის ინსტიტუტში. წლების განმავლობაში ის ამავე ინსტიტუტში მუშაობდა უმცროს, უფროს და მთავარ მთავარ მეცნიერ თანამშრომლად. შემდეგ მან თავისი კარიერა გააგრძელა თსსუ-ის სამედიცინო ბიოლოგიის და გენეტიკის კათედრის ხელმძღვანელის თანამდებობაზე და ასევე ივანე ბერიტაშვილის ექსპერიმენტული ბიომედიცინის ცენტრის ტკივილისა და ანალგეზიის შემსწავლელ ლაბორატორიაში. წლების განმავლობაში, იგი შეისწავლის ტკივილის ქცევით და ეპიგენეტიკურ ასპექტებს. დღეს მისი სამეცნიერო კვლევა ეხება იმ საკითხის გარკვევას, რომელიც საფუძვლად უდევს ანთებითი პროცესების ეპიგენეტიკურ მექანიზმებს და მასთან დაკავშირებულ დაავადებებს. იგი არის ათი სადოქტორო დისერტაციის ხელმძღვანელი. მისივე ორგანიზებითა და ხელმძღვანელობით ჩატარდა აკრედიტირებული კონფერენციები „გენომიკა და ეპიგენომიკა პერსონალიზებულ/ზუსტ მედიცინაში“ ( 2016, 2017), „ადამიანის გენომი და ჯანმრთელობა - პირველი საერთაშორისო კონფერენცია საქართველოში“(2018), 25 სტუდენტთა სამეცნიერო დებატ-კონფერენცია, ასევე დნმ-ის დღისადმი მიძღვნილი ესეების კონკურსი და საქველმოქმედო აქციები. მისი ინიციატივით, ხელმძღვანელობით და რედაქტორობით გამოიცა ტომპსონი&ტომპსონი "გენეტიკა მედიცინაში" (მე-7 და მე-8 გამოცემები, 2008, 2016). ნესსა კერის „ ეპიგენეტიკური რევოლუცია“ (2014) და სხვა. მისი თაოსნობით აღდგენილ იქნა თსსუ-ის უნიკალური ბიოლოგიური მუზეუმი (1997) და დაფუძნდა მოლეკულური გენეტიკის და ეპიგენეტიკის ლაბორატორია (2014). მიღებული აქვს ღირსების ორდენი (2002); იუნესკოს მიერ დაწესებული მეცნიერების მსოფლიო დღესთან დაკავშირებით საქართველოს მეცნიერებათა ეროვნული აკადემიის მიერ დაჯილდოვებულია საპატიო სიგელით სამეცნიერო მიღწევებისთვის (2017).

განათლება
2013- დღემდე პოსტ-დოქტორ მკვლევარი, ბიოლოგიის დეპარტამენტი, სტენფორდის უნივერსიტეტი
2007-2013 Ph.D., ფარმაკოლოგიის დეპარტამენტი, მაკჯილის უნივერსიტეტი, მონრეალი, კანადა
2003-2007 B.Sc., ბიოლოგიის და ბიოტექნოლოგიის დეპარტამენტი, კარლეტონის უნივერსიტეტი, ოტავა, კანადა
სამუშაო გამოცდილება
2018-დღემდე ქვინს კოლეჯი, ნიუ-იორკი, აშშ
2014--დღემდე ლექტორი, EduExplora, სანტიაგო, ჩილე
2013-present ლექტორი,, სტენფორდის კოლეჯი, აშშ
გრანტები
2015-2016 Beckman Technology Innovation Grant, Stanford University CA, USA
2015-2017 A.P. Giannini Postdoctoral Fellowship.
2013-2015 NINDS Research Supplement to Promote Diversity in Health Research.
2007 NSERC Industrial Undergraduate Student Research Award.
ჯილდოები და სტიპენდიები
2017 Trainee fellowship, Broadening the Representation of Academics Investigators in Neurosciences fellow, University of Washington, Seattle WA
2015 Trainee scholarship, Behavioral Epigenetics, Janelia Farm VI, USA
2014 Trainee fellowship, Summer Program in Neuroscience Ethics and Survival, MBL Woods Hole MA, USA.
2013 Trainee scholarship, Neuroscience School of Advanced Studies, Cortona Italy
2012 Pharmacology Research Day People’s Choice Award: Oral Presentation. McGill.
2011 McGill Faculty of Medicine Medstar Award for best published manuscript: DNA methylation of SPARC and low back pain

დოქტორ გაროვიჩი არის მედიცინის პროფესორი მეიოს კლინიკაში, როჩესტერი, მინესოტა და ატარებს საერთო კონსულტაციებს ნეფროლოგიაში და მეან-გინეკოლოგიაში. ამჟმად იგი არის კვლევის ხელმძღვანელი ნეფროლოგიის და ჰიპერტენზიის განყოფილებაში და კლინიკური კვლევების განყოფილების დირექტორი მეიოს კლინიკაში. იგი არის რამოდენიმე ჟურნალის რედაქტორი, მათ შორის: Hypertension in Pregnancy, Women's Health Mayo Clinic Proceedings, Preeclampsia for Current Hypertension Reports, Kidney International. მისი კვლევის განსაკუთრებულ ინტერესს წარმოადგენს თირკმელების დაავადბეები და ჰიპერტენზია ორსულებში, ჰიპერტენზიით მიმდინარე ორსულთა დაავადებების პათოფიზიოლოგია, კონკრეტულად კი პრეეკლამფსია. დოქტორ გაროვიჩს გამოქვეყნებული აქვს 100-ზე მეტი პუბლიკაცია. მისი კვლევის ინტერესი პრეეკლამფსიაში მოიცავს რამოდენიმე მიმართულებას: თირკმელების დაზიანების გამნაპირობებელ მოლეკულურ მექანიზმებს, გულსისხლძარღვთა და თირკმელების დაზიანების ხანგრძლივი ეფექტის ეპიგენეტიკას და ეპიდემიოლოგიას, დიაგნოსტიკური ბიომარკერების შსწავლას და პოტენციური თერაპიული საშუალებების შექმნას.

პროფ. გუდკოვმა დაამთავრა მოსკოვის სახელმწიფო უნივერსიტეტი და მიიღო აკადემიური წოდება (მეცნიერებათა კანდიდატის წოდება ექსპერიმეტულ ონკოლოგიაში და მეცნიერებათა დოსქტორის წოდება მოლეკულურ ბიოლოგიაში) ყოფილ საბჭოთა კავშირში. 1990 წელს იგი გადავიდა სამუშაოდ ილინოისის უნივერსიტეტის გენეტიკის დეპარტამენტში, ჩიკაგო, აშშ. 2001-2007 წლებში იგი იყო მოლეკულური გენეტიკის დეპარტამენტის ხელმძღვანელი კლივლენდის კლინიკაში (კლივლენდი, ოჰაიო). 2007 წლიდან დღმდე იგი არის საბაზისო მეცნიერების ვიცე-პრეზიდენტი და უჯრედის სტრესის ბიოლოგიის დეპარტამენტის ხელმძღვანელი როზველ პარკის სიმსივნის ცენტრში, ბუფალო, ნიუ-იორკი, აშშ. პროფ. გუდკოვს უმნიშვნელოვანესი წვლილი აქვს შეტანილი სიმსივნის სწინააღმდეგო და სიბერის საწინააღმდეგო ჩატარებულ კვლევებში, რადიაციულ ბიოლოგიაში და ანთების მექნიზმებში. მის მიერ შემუშავებული რამდენიმე კანდიდატი წამალი ამჟმად კლინიკურ ვალიდაციას გადის. იგი არის 200-ზე მეტი სამეცნიერო პუბლიკაციის ავტორი, 50-ზე მეტი პატენტის გამომგონებელი და ბიოტექნოლოგიური კომპანიების Cleveland Biolabs (NASDAQ: CBLI), Incuron, Oncotartis, Everon Biosciences და Genome Protection დამფუძნებელი, რომლებიც აწარმოებენ მის გამოგონებებზე დაყრდნობილ სიმსივნის საწინააღმდეგო და სიბერის საწინააღმდეგო წამლებს.

სოფია დოუზგოუმ 2004 წელს დაამთავრა ლა საპიენზას უნივერსიტეტის სამედიცინო სკოლა (რომი, იტალია), შემდგომი სპეციალიზაციით სამედიცინო გენეტიკაში. 2008 წელს მან წარჩინებით დაასრულა რეზიდენტურა, სადაც შეისწავლიდა ჰიპერტრიქოზით მიმდინარე იშვიათ გენეტიკურ სინდრომებს. 2008-2010 წლებში იგი მუშაობდა კლინიკური გენეტიკოსის თანამდებობაზე ბავშვის ჯანმრთელობის ინსტიტუტში აია სოფიას ბავშვთა საავადმყოფოში, ათენი, საბერძნეთი. 2011-2012 წლებში იგი მუშაობდა კლინიკური გენეტიკოსის პოზიციაზე მანჩესტერის გენომური მედიცინის ცენტრში. 2013 წელს იგი დაინიშნა კონსულტანტი კლინიკური გენეტიკოსის პოზიციაზე მანჩესტერის გენომური მედიცინის ცენტრში და აგრეთვე საპატიო უფროსი ლექტორის პოზიციაზე მანჩესტერის უნივერსიტეტში. 2013 წელს მან დაასრულა მაგისტრატურა ჯანდაცვის მენეჯმენტში პირეუსის უნივერსიტეტის ეკონომიკის სკოლაში, საბერძნეთი, ხოლო 2015 წელს მან წარჩინებით დაამთავრა დოქტორანტურა ათენის უნივერსტიტეტში და მიიღო დოქტორის წოდება დიზმორფოლოგიაში. 2017 წელს სოფია დოუზგოუ გახდა ექიმების სამეფო კოლეჯის წევრი. ამჟმად სოფია დოუზგოუ არის განვითარების შეფერხების შემსწავლელი ჯგუფის ხელმძღვანელი მანჩესტერის გენომური მედიცინის ცენტრში. იგი არის ERN ITHACA-ს ტელე-ჯანმრთელობის ხელმძღვანელი, ევროპის თანდაყოლილი მალფორმაციების, გონებრივი უნარშეზღუდულობისა და დიზმორფოლოგიის რეფერენს ქსელის კოორდინატორი და კლინიკური გენეტიკის განათლების ხარისხის კონტროლის საბჭოს წევრი. დოქტორ დოუზგოუ კონსულტაციას უწევს ყველა ასკის პაციენტს, რომელთაც აღენიშნებათ გონებრივი უნარშეზღუდულობა ან/და თანდაყოლილი ანომალიები, თვალისა და ყელ-ყურ-ცხვირის განვითარების დარღვევები და CHARGE სინდრომი. დოუზგოუს კვლევის ინტერესებს წარმოადგენს ინტერნეტ ტექნოლოგიებზე დაფუძნებული კომპიუტერული პროგრამები და მათი გამოყენება გონებრივი უნარშეზღუდულობის ან/და მრავლობითი თანდაყოლილი მალფორმაციების და იშვიათი სინდრომების მქონე პაციენტების დიაგნოსტიკასა და მართვაში; მისი კვლევის ინტერესს აგრეთვე წარმოადგენს სპლაისოსომური დაავადებების გენეტიკა.

ევა კლოპოკი სწავლობდა ბიოლოგიის ფაკულტეტზე ულმის უნივერსიტეტში 1994-2000 წლებში. მან გაიარა სადოქტორო პროგრამა ბერლინის ფრეიეს უნივერსიტეტის ბიოლოგიის ფაკულტეტის ბაზაზე და მისი სადოქტორი პროგრამის თემა იყო „ორი ახალი სიმსივნის სუპრესორი კანდიდატი გენის ექსპრესიის ანალიზი და ფუნქციური დახასიათება ძუძუმწოვართა სიმსივნეში“ (2004). 2005-2007 წლებში იგი სწავლობდა პოტსდამის უნივერსიტეტის ეკონომიკის და საზოგადოებრივი მეცნიერებების ფაკულტეტზე, სადაც დაამთავრა MBA პროგრამა ბიოტექნოლოგიისა და სამედიცინო ინჟინერიის განხრით. 2003-2012 წლებში იგი იყო მთავარი მკვლევარი ბერლინის შარიტის მედიცინის უნივერსიტეტის სამედიცინო გენეტიკის ინსტიტუტში. 2006-2012 წლებში ევა კლოპოკი იყო array CGH ლაბორატორიის ხელმძღვანელი ბერლინის შარიტის მედიცინის უნივერსიტეტის სამედიცინო გენეტიკის ინსტიტუტში. 2012 წლიდან დოქტორ კლოპოკი არის ადამიანის გენეტიკის პროფესორი ვურცბურგის უნივერსიტეტში. მას მიღებული აქვს მრავალი სამეცნიერი ჯილდო გერმანიის და ევროპის ადამიანის გენეტიკის საზოგადოებების მიერ. ასლის რიცხვის ვარიანტები (CNVs), ანუ გენეტიკური მასალის დელეცია/დუპლიკაციები, ისევე როგორც ერთეული ნუკლეოტიდის პოლიმორფიზმები (SNPs), პასუხისმგებელია ჩვენი გენომის მრავალფეროვნებაზე. ბოლო წლებში დოქტორ კლოპოკის და მისი მკვლვართა ჯგუფის მიერ ნანახი იქნა, რომ მრავალი CNV ქმნის წინასწარგანწყობას ანდა პასუხისმგებელია თანდაყოლილ ანომალიებზე, მემკვიდრულ დაავადებებზე და სინდრომებზე. ახალი მეთოდები, როგორიცაა მოლეკულური კარიოტიპირება (array CGH), იძლევა საშუალებას მთლიანი გენომის მასშტაბით ინახოს ასლის რიცხვის ვარიანტები და მოხდეს კლინიკურად რელევანტური მიკროდელეცია/მიკროდუპლიკაციების სინდრომების დეტექცია. Array CGH წარმოადგენს კლინიკური კვლევის განუყოფელ ნაწილს, როდესაც საეჭვოა დაავადების ან განვითარების მანკის გენეტიკური ბუნება. ევა კლოპოკის კვლევა ეხება იშვიათი დაავადებების გენეტიკური მიზეზების დადგენას, როგორიცაა მაგალითდ კიდურების თანდაყოლილი ანომალიები და კრანიოფაციალური მალფორმაციები.

მარტინა კორნელი, MD, PhD. არის საზოგადოებრივი გენეტიკის და საზოგადოებრივი ჯანდაცვის გენომიკის პროფესორი ამსტერდამის უნივერსიტეტის სამედიცინო ცენტრში. იგი არის ექიმი და ეპიდემიოლოგი. 2000 წლის შემდეგ იგი ძირითადად მუშაობდა გენეტიკური ტესტირების სკრინინგის იმპლემენტაციის მიმართულებით. იგი არის ადამიანის გენეტიკის ევროპის საზოგადოების საზოგადოებრივი და პროფესიონალური პოლიტიკის კომიტეტის თანა-თავმჯდომარე, რომელმაც შეიმუშავა რეკომენდაციები ჯანდაცვის სფეროში მთლიანი გენომის სექვენირების გამოყენების შესახებ (Van El 2013), არაინვაზიური პრენატალური ტესტირების იმპლემენტაციისა (Dondorp 2015) და მატარებელთა ტესტირების (Henneman 2016) შსახებ. მარტინა კორნელი არის ნიდერლანდების ჯანმრთელობის საბჭოს წევრი და აღნიშნული საბჭოს ორი ქვეგანყოფილების (პოპულაციური სკრინინგის და საზოგადოებრივი ჯანდაცვის) წევრი. იგი არის ნიდერლანდების ნეონატალური სკრინინგის პროგრამის კომიტეტის თავმჯდომარე.

განათლება:
1. 2011: მეიოს კლინიკის სტიპენდიანტი; მოლეკულური მედიცინის დეპარტამენტი, მაქს პლანკის ბიოქიმიის ინსტიტუტი
2. 2007: სტიპენდიანტი - უმაღლესი კლლინიკური დერმატოლოგია, მეიოს სამედიცინო სკოლა, მეიოს კლინიკის სამედიცინო კოლეჯი
3. 2007: რეზიდენტი - დერმატოლოგიის რეზიდენტურა, მეიოს სამედიცინო სკოლა, მეიოს კლინიკის სამედიცინო კოლეჯი
4. 2004: დოქტორანრი - Ph.D. ექვივალენტური სამუშაო ბიოქიმიასა და უჯრედულ ბიოლოგიაში. თეზისის სათაური: "Identification and Characterization of Stress-Activated Signaling Networks in Primary Human Keratinocytes". ჰეინრიჰ-ჰეინე-უნივერსიტეტი, დუსელდორფი, გერმანია
5. 2004: რეზიდენტურა - შინაგანი მედიცინის რეზიდენტურა, მეიოს სამედიცინო სკოლა, მეიოს კლინიკის სამედიცინო კოლეჯი
6. 2003: სტიპენდიანტი - კარლო შმიდტის სტიპენდიანტი, ჯანმრთელობის მსოფლიო ორგანიზაცია
7. 2002: სამედიცინო სკოლა ჰეინრიჰ-ჰეინე-უნივერსიტეტი, დუსელდორფი, გერმანია
8. 1999: სტიპენდიანტი - ფულბრაიტის სტიპენდიანტი უჯრედულ ბიოლოგიაში, ჰარვარდის სამედიცინო სკოლა
სერტიფიცირება:
1. 2007: დერმატოლოგია, ამერიკის დერმატოლოგთა საბჭო
ჯილდოები და საპატიო წოდებები:
1. 2018: 5th District Eagles Cancer Telethon Research Award Fraternal Order of Eagles
2. 2017: Philanthropic gift to Mayo Clinic from patient in honor of Alexander Meves, MDDepartment of Development
3. 2017: Physician Scientist Career Development Award (K08) National Cancer Institute
4. 2016: Gerstner Family Career Development Award Center for Individualized Medicine
5. 2015: Arnold and Kit Palmer Career Development Award in Cancer Research Department of Development

არნდტ როლფსი, MD, არის ნევროლოგიის და ფსიქიატრიის პროფესორი და აგრეთვე Centogene-ის (როსტოკი, გერმანია) აღმასრულებელი დირექტორი და დამფუძნებელი. პროფ. როლფსმა 1985 წელს დაამთავრა მაინცის და ვენის უნივერსიტეტის მედიცინის ფაკულტეტი. იგი არის იშვიათ დაავადებებთან დაკავშირებული რამდენიმე საერთაშორისო მულტიცენტრული კვლევის მთავარი მკვლევარი და აქტიურად არის ჩართული რიგი მეტაბოლური დარღვევების ბიომარკერების კვლევაში, მათ შორის Sifap პროექტში (www.sifap.eu), რომელიც წარმოადგენს ფაბრის დაავადებასთან დაკავშირებულ ინსულტის მქონე ახალგაზრდა პაციენტების ყველაზე დიდ კვლევას მსოფლიოში, რამდენიმე ბიომარკერის კვლევაში (BioHAE, BioGaucher, BioHunter, BioMorquio) და ნეიროგენეტიკური ეტიოლოგიის მქონე დაავადებების ეპიდემიოლოგიურ კვლევაში. პროფ. როლფს აქვს გამოქვეყნებული 250-ზე მეტი პუბლიკაცია საერთაშორისო მაღალი რანგის ჟურნალებში. იგი არის რამდენიმე საერთაშორისო ბიოტექნოლოგიური და ინდუსტრიული კომპანიის კონსულტანტი, აგრეთვე არის კონსულტანტი EMA და FDA-ში.

დოქტორი ტაჯერიანი არის ნეიროფიზიოლოგი, რომლის კვლევის განსაკუთრებულ ინტერესს წარმოადგენს ტვინის პლასტიურობა. მან დაამთავრა ამერიკის ბეირუთის უნივერსიტეტი ბიოლოგიის და ფსიქოლოგიის განხრით, შემდეგ მუშაობდა კანადაში, მაკგილის უნივერსიტეტში, სადაც მან ბიოლოგიის დეპარტამენტში დაასრულა სამაგისტრო პროგრამა ხოლო ნევროლოგიისა და ნეიროქირურგიის დეპარტამენტში დაასრულა სადოქტორო პროგრამა. შემდგომში იგი მუშაობდა სტენფორდის უნივერსიტეტში, სადაც მან მიიღო რუთ ლ. კირშტეინის პრესტიჟული სტიპენდია ტკივილის კვლევაში. მარალ ტაჯერიანი ამჟმად არის ბიოლოგიის დეპარტამენტის ასისტენტ-პროფესორი, ქუინს კოლეჯი, ნიუ იორკის ქალაქის უნივერსიტეტში. დოქტორ ტაჯერიანის კვლევის მთავარ ინტერესს წარმაოდგენს თავის ტვინის პლასტიურობის შესწავლა ქრონიკული ტკივილის მდგომარეობის დროს. მიუხედავად იმისა, რომ დღეს მსოფლიოში მილიონიბით ადამიანს აწუხებს ქრონიკული ტკივილი, ამჟამად ნაკლებადაა ცნობილი ამ დაავადების ზუსტი მექანიზმები. დოქტორ ტაჯერიანს შესწავლილი აქვს ქრონიკული ტკივილის მრავალი სხვადასხვა ტიპი როგორც პრეკლინიკურ მოდელებში ისე პაციენტების ქსოვილებზე, მათ შორის წელის ტკივილი, პერიფერიული ნეიროპათია და კომპლექსური რეგიონალური ტკივილის სინდრომი. მისი სამუშაო ძირითადად ეხება შემდეგ თემატიკას: 1. ქრონიკული ტკივილის ეპიგენეტიკა; 2. ცენტრალური ნერვული სისტემის პლასტიურობა ქრონიკული ტკივილის დროს და 3. უჯრედგარე მატრიქსი და ქრონიკული ტკივილთან-დაკავშირებული ნეიროპლასტიურობა.

პროფესორი კარენ ტემპლი არის სამედიცინო გენეტიკის პროფესორი საუსჰემპტონის უნივერსიტეტის მედიცინის ფაკულტეტზე და კლინიკური გენეტიკის საპატიო კონსულტანტი საუსჰემპტონის საუნივერსიტეტო კლინიკაში. იგი არის ვესექსის გენომური მედიცინის ცენტრის წამყვანი სპეციალისტი, რომელიც 100,000 გენომის პროექტს ფარგლებში ახორციელებს გენომიკის ინტეგრაციას კლინიკურ პრაქტიკაში. იგი არის ვესექსის უნივერსიტეტის მედიცინის ფაკულტეტის ადამიანის განვითარების და ჯანმრთელობის აკადემიური განყოფილების ყოფილი დირექტორი. დოქტორ ტემპლის კვლევის მთავარ ინტერესს წარმოადგენს გენომიკის, ეპიგენომიკის და მონაცემთა ბაზების გამოყენება კლინიკურ პრაქტიკაში და ბავშვთა ასაკის განვითარების შეფერხებით მიმდინარე დარღვევების კლინიკური აღწერა. იგი არის ვესექსის იმპრინტინგის ჯგუფის მთავარი კლინიკური მკვლევარი; აღნიშნული ჯგუფი სთავაზობს გაერთიანებული სამეფოს ფარგლებში მყოფ იმპრინტინგის დაავადების მქონე ოჯახებს დიაგნოსტიკურ ტესტირებას და კვლევით პროგრამებს. დოქტორ ტემპელის უმნიშვნელოვანესი აღმოჩენები აქვს გაკეთებული ნეონატალური ტრანზიტორული დიაბეტის გენეტიკური მიზეზების სფეროში; მისი კვლევების საფუძველზე მთლიანად შიცვალა დიაბეტის მქონე ახალშობილების მკურნალობა. მან პირველმა აღწერა რამდენიმე ახალი იმპრინტინგის დარღვევით მიმდინარე გენეტიკური სინდრომი, მათ შორის ტემპელ სინდრომი, რომელსაც ახასიათებს მნიშვნელოვანი ტანდაბლობა და გვიანი ასაკის სიმსუქნე, რომელიც გარკვეულწილად ჰგავს პრადერ-ვილის და რასელ-სილვერის სინდრომებს. იგი ხელმძღვანელობს ევროპის რეფერენს ქსელის კლინიკას საუსჰემპტონში იმპრინტინგის დაავადების მქონე პაციენტებისათვის პროფ. ტემპლი გამოცდილი კლინიკური გენეტიკოსია, რომელიც არის კონსულტანტი-გენეტიკოსი 1990 წლიდან. მას მნიშვნელოვანი წვლილი აქვს შეტანილი ვესექსის გენეტიკური ცენტრის განვითარებაში. იგი არის კლინიკური გენეტიკის საზოგადოების ყოფილი პრეზიდენტი. კვალიფიკაციები: MB ChB (წარჩინებით), ბირმინგემის უნივერსიტეტი (1981) FRCP, ექიმების სამეფო სკოლა (1995) MD, ბირმინგემის უნივესრსიტეტი (2004)

დავით ჩოკოშვილი (1988) არის პოსტ-დოქტორანტი მკვლევარი ლუვენის უნივერსიტეტში, ბელგია. დავითს აქვს მრავალდისციპლინური აკადემიური გამოცდილება, სწავლობდა საჯარო პოლიტიკას, გამოყენებით ბიოტექნოლოგიას და ბიოეთკას. მისი კვლევის ძირითადი ინტერესებია კლინიკური გენეტიკა და საზოგადოებრივი ჯანდაცვის გენომიკა. დავითის სადოქტორი პროექტი, რომელიც მან დაიცვა 2018 წლის ივნისში შეეხება რეპროდუქციულ გენეტიკას: „მონოგენური დაავადებების მატარებელთა გაფართოებული სკრინინგი: ინტერდისციპლინური კვლევა.“

PhD (მედიცინაში) - აარჰუს უნივერსიტეტი (2009-2012), STAR სტიპენდია - ნოვო ნორდისკი (2012-2014), მოწვეული მკვლევარი როზელინის ინსტიტუტში (2013) და ჰარვარდის სამედიცინო სკოლაში (2015). 2015 წლიდან იოგლუნი ხელმძღვანელობს კვლევით ჯგუფს აარჰუსის უნივერსიტეტის ბიომედიცინის დეპარტამენტში (www.dream.au.dk). იგი აგრეთვე არის მთავარი მკვლევარი BrainStem-ში - ღეროვანი უჯრედების მოწინავე ცენტრი ნევროლოგიაში, კოპენჰაგენის უნივერსიტეტი. 2017 წლიდან იონგლუნი აგრეთვე დაინიშნა ლარს ბოლუნდის რეგენერაციული მედიცინის ინსტიტუტის აღმასრულებელ დირექტორად. მისი ჯგუფის კვლევის ინტერესს წარმოადგენს OMICS ტრექნოლოგიების, ერთი უჯრედის სექვენირების, CRISPR გენის ედიტირების, ღროვანი უჯრედების ინჟინერიის და ცხოველების ბიოტექნოლოგიის (სომატური უჯრედის ბირთვული გადატანა) სისტემური კომბინაცია რეგენერაციული მედიცინის შესწავლის და განვითარების მიზნით. მისი ერთ-ერთი კვლევა ეხება ტრანსპლანტაციის მიზნით გამოყვანილ გენეტიკურად მოდიფიცირებულ ღორებს. ერთი უჯრედის OMICS ტექნოლოგიების და სექვენირების ახალი პლატფორმების გამოყენებით იონგლუნის ჯგუფი შეისწავლის ენდოთელიური უჯრედების ჰეტეროგენულობას და ზუსტ ფუნქციებს ადამიანის ჯანმრთელობასთან მიმართებაში.

ნანა ნინო ტატიშვილი არის ნევროლოგიის პროფესორი დ. ტვილდიანის სამედიცინო უნივერსიტეტში, ნეირომეცნიერების დეპარტამენტის ხელმძღვანელი მ. იაშვილის სახელობის ბავშვთა ცენტრალურ საავადმყოფოში და საქართველოს ბავშვთა ნევროლოგიის და ნეიროქირურგიის ასოციაციის პრეზიდენტი, აგრეთვე ILAE ყოფილი პრეზიდენტი. მისი კვლევის და პრაქტიკის ინტერესების სფეროს წარმოადგენს პედიატრიული ეპილეფსია, ინსულტი, ნეიროგანვითარების დაავადებები. ბოლო წლებში მისი განსაკუთრებული ინტერესის სფეროს წარმოადგენს ბავშვთა ასაკის შეფერხების ადრეული იდენტიფიკაცია, შეფასება და ინტერვენცია. მას გამოქვეყნებული აქვს 40ზე მეტი პუბლიკაცია პედიატრიული ეპილეფსიის, აუტიზმის და განვითარების შეფერხებით მიმდინარე დაავადებების შესახებ. იგი არის საქართველოს პედიატრიული ნევროლოგიის კურიკულუმის, რეზიდენტურის პროგრამის და 12 პროტოკოლისა და გაიდლაინის ავტორი. პროფ. ტატიშვილი იყო ECAD პრეზიდენტი 2018 წელს, რომელიც ჩატარდა 28-31 მაისს, თბილისში, საქართველო.

დოქტორ ტრანა არის პერონალიზებული მედიცინის ცენტრის აღმასრულებელი დირექტორი შათერის ჯანმრთელობის ცენტრში და კალიფორნიის უნივერსიტეტის ასოცირებული პროფესორი ეპიდემიოლოგიის და ბიოსტატისტიკის დეპარტამენტში, სან ფრანცისკო. დოქტორ ტრანას მიმდინარე კვლევა ეხება სიბერეზე და დაავადებებზე მოქმედ მემკვიდრულ და შეძენილ გენეტიკურ ფაქტორებს; კვლევის საბოლოო მიზანია რისკის განსაზღვრა და ფართოდ გამოყენების მქონე და იაფი გენომური ტესტების შემუშავება, რომელთა მეშვეობით მოხდება ისეთი ინდივიდების იდენტიფიცირება, ვისთანაც შესაძლებელი იქნება სპეციფიური ფარმაკოლოგიური და ქცევითი მკურნალობის განხორციელება დაავადების განვითრების და უნარშეზღუდულობის პრევენციის მიზნით. იგი არის ჯანმრთელობის ეროვნული ინსტიტუტის (National Institute of Health – NIH) ექვსი გრანტის და ორი კლინიკური კვლევის მთავარი მკვლევარი. იგი ხელმძღვანელობს კვლევით ჯგუფს, რომელიც შეისწავლის სიბერეს და სიბერესთან დაკავშირებულ ნიშნ-თვისებებს; მისი კვლევების მიზანია აღმოაჩინოს ის ახალი გენები და ვარიანტები, რომლებიც კავშირშია დემენციასთან, სიცოცხლის ხანგრძლივობასთან, მაკულარულ დეგენერაციასთან, დეპრესიასთან, სიმსივნესთან, ძილთან და გულის არითმიასთან. დოქტორ ტრანას კვლევის დიდი ნაწილი ეხება მიტოქონდრიული დნმ-ის თანამიმდევრობის როლის შესწავლას და მის კავშირს ადამიანის დაბერებასთან და დაავადებებთან. მისი კვლევებით დადგინდა, თუ როგორი გავლენა აქვს მიტოქონდრიული დნმ-ის ასაკთან დაკავშირებულ ცვლილებებს ნეიროდეგენერაციაზე, უნარშეზღუდულობაზე, მხედველობასა და სმენაზე. დოქტორ ტრანა, ახალი კოლაბორაციული კვლევის ფარგლებში, შეისწავლის მიტ-დნმ-ის თანამიმდევრობის ვარიაბელურობის გავლენას ვარჯიშის მიმართ ტოლერანტობაზე; შედეგად, შესაძლებელი იქნება პერსონალიზებული ქცევით ინტერვენციის გამოყენებით უნარშეზღუდულობის პრევენცია. დოქტორ ტრანას ჯგუფი ასევე შეისწავლის ცირკადული რითმების როლს ადამიანის დაბერებაში და აღმოჩენილი აქვთ მისი კავშირი დემენციასთან და სიკვდილიანობასთან. CPMC და სან ფრანცისკოს უნივერსიტეტებში (UCSF) დოქტორ ტრანა არის რამდენიმე დიდი პოპულაციური ეპიდემიოლოგიური კოჰორტის გენეტიკური კვლევის დირექტორი და აქტურად ხელმძღვანელობს ფართომასშტაბურ გენომურ კვლევებს რამდენიმე საერთაშორისო სიბერის შემსწავლელ კონსორციუმთან ერთად. როგორც პერსონალიზებული მედიცინის დირექტორი შატერის ჯნმრთელობის ცენტრში, დოქტორ ტრანას მიზანია სიბერესთან დაკავშირებული აღმოჩენების ტრანსლაცია კლინიკურ პრაქტიკაში. მისი პროგრამა მიზნად ისახავს ახალი მკურნალობის საშუალებების, დიაგნოსტიკური ტესტების, ტექნიკური მოწყობილობების და სხვა ინტერვენციების შექმნას და გამოყენებას კლინიკურ პრაქტიკაში პაციენტის ჯანმრთელობის და ფუნქციობის გაუმჯობესების მიზნით.

დოქტორ ლამპემ დაამთავრა ბერლინის ჰუმბოლტ-უნივერსიტეტი (შარიტე), გერმანია, შემდეგ კი გააგრძელა სწავლა ამავე უნივერსიტეტის ქირურგიის განყოფილებაში. 2007 წელს მან დაიწყო მუშაობა კერძო კლინიკის ქირურგიულ განყოფილებაში, შემდეგ კი გადავიდა Villa Metabolica-ში, იოან გუტენბერის უნივერსიტეტის პედიატირიული და მოზრდილთა მედიცინის დეპარტამენტში, მაინცი, გემრანია, სადაც იგი მუშაობდა დამსწრე ექიმად და მეთვალყურეობდა მუკოპოლისაქარიდოზის (MPS) I, II, IV და VI ტიპის 150 პედიატრიულ და მოზრდილ პაციენტს. 2014 წლის იანვარში, პროფ. მაურიციო სკარპასთან ერთად, მან ჩამოაყალიბა იშვიათი დაავადებების ცენტრი დოქტორ ჰორშ შმიტის კლინიკაში, ვეისბადენი. იგი იყო IV ტიპის მუკოპოლისაქარიდოზის (MPS IV – მორქიოს სინდრომი) მე-3 ფაზის კვლევის თანა-მკვლევარი და MPS VI ტიპის (მრატო-ლამის სინდრომი) კვლევის კოორდინატორი. დოქტორ ლამპე აგრეთვე არის ჰანტერის სინდრომის გამოსავლის შედეგების მიმოხილვის და MPS VI ტიპის კლინიკური დაკვირვების პროგრამის მკვლევარი. დოქტორ ლამპე არის MPS II ტიპის ბუნებრივი ისტორიის შემსწავლელი ჯგუფის წევრი, MPS II ტიპის საორგანიზაციო კომიტეტის წევრი და CSP გამომცემლობის საორგანიზაციო კომიტეტის წევრი, აგრეთვე MPS II ტიპის დიაგნოსტიკისა და მულტიდისციპლინური მართვის ევროპის 2011 წლის რეკომენდაციების თანაავტორი. დოქტორ ლამპეს კვლევის განსაკუთრებულ ინტერესს წარმოადგენს კრანიოცერვიკალური კომპრესია და თანმხლები სინდრომები, რაც წარმოადგენს მთავარ ნევროლოგიურ გართულებას MPS I, IV და VI ტიპის მქონე პაციენტებში. ქრისტინა ლამპეს ინტერესის სფეროში ასევე შედის ორთოპედებთან კოლაბორაციის გზით მრავლობითი დისპლაზიების კორექცია, რაც მიზნად ისახავს ინდივიდუალური ორთოტული საშუალებების შექმნას ხერხემლის მალფორმაციების, სახსრების პრობლემების და თეძოს ძვლის დისპლაზიისთვის. დოქტორ ლამპე არის მუკოპოლისაქარიდოზის გერმანული საზოგადოების სამეცნიერო მრჩეველი და „Brains for Brain“ ფონდის სამედიცინო მრჩეველი, ისევე როგორც რამდენიმე პაციენტთა და სამედიცინო ასოციაციების მრჩეველი, განსაკუთრებით აღმოსავლეთ ევროპის ქვეყნებში.