„კენ ვოლკერის სახელობის სამედიცინო რეაბილიტაციის საუნივერსიტეტო კლინიკა“ და თბილისის სახელმწიფო სამედიცინო უნივერსიტეტის სამედიცინო რეაბილიტაციის და სპორტული მედიცინის დეპარტამენტი, ინსულტის მსოფლიო კვირეულთან დაკავშირებით 16-დან 20 ნოემბრის ჩათვლით თბილისში მათთვის, ვისაც ესაჭიროება სარეაბილიტაციო მკურნალობა, უფასო კონსულტაციებს გამართავს.
16-დან 20 ნოემბრის ჩათვლით კონსულტაცია უფასოდ გაეწევათ როგორც ბავშვებს, ისე ზრდასრულ პირებს, ვისაც ესაჭიროება სარეაბილიტაციო მკურნალობა შემდგომი დაავადებების გამო:
• თავის ან ზურგის ტვინში სისხლის მიმოქცევის მოშლის (ინსულტის) შემდომი მდგომარეობით;
• პაციენტებს გაფანტული სკლეროზის და პარკინსონის დაავადების დიაგნოზით;
• ბავშვებს ცერებრული დამბლით;
• სხვადასხვა ნევროლოგიური დარღვევებით განპირობებულ შშმ ბავშვებს.
კონსულტაციის შემდეგ შესაძლებელია რეაბილიტაციის სრული კურსის გავლა „კენ ვოლკერის სახელობის სამედიცინო რეაბილიტაციის საუნივერსიტეტო კლინიკაში”.
კონსულტაციაზე ჩაწერა წარმოებს წინასწარ ცხელ ხაზზე: 032 211 2020
მიღების დღეები და საათები: 16 - 20 ნოემბერი, 10:00 – 18:00 საათამდე.
მისამართი: თბილისი, გუდამაყარის ქ. #4 (პირველი საუნივერსიტეტო კლინიკის მიმდებარედ).
„კენ ვოლკერის სახელობის სამედიცინო რეაბილიტაციის საუნივერსიტეტო კლინიკას“ მხარს უჭერს ამერიკის შეერთებული შტატების საერთაშორისო განვითარების სააგენტოს, USAID-ისა და ემორის უნივერსიტეტის (აშშ, ატლანტა) ერთობლივი პროექტი - „ფიზიკური რეაბილიტაცია საქართველოში". საგრანტო პროექტის განმახორციელებელი პარტნიორები არიან: თბილისის სახელმწიფო სამედიცინო უნივერსიტეტი (თსსუ), კორპორაცია „პარტნიორები საერთაშორისო განვითარებისათვის" (PFID) საქართველოს წარმომადგენლობა და ორგანიზაცია „კოალიცია დამოუკიდებელი ცხოვრებისთვის”.