თბილისის სახელმწიფო სამედიცინო უნივერსიტეტი 24-25 აპრილს უმასპინძლებს II საერთაშორისო სამეცნიერო-პრაქტიკულ კონფერენციას - „ქართული მეცნიერული ფარმაცია: წარსული და აწმყო“ (ISPC 2026), რომელიც ეძღვნება აკადემიკოს ეთერ ქემერტრელიძის 100 წლის იუბილეს.
ISPC 2026-ის მიზანია მსოფლიოს სხვადასხვა ქვეყნის მეცნიერთა მულტიდისციპლინური ჯგუფის შეკრება, რათა გაუზიარონ ერთმანეთს და განიხილონ თანამედროვე ფარმაცევტული მეცნიერების უახლესი მიღწევები.
კონფერენცია განკუთვნილია:
- ფარმაციის სპეციალისტებისთვის;
- სამკურნალო და სინთეზური ქიმიის ექსპერტებისთვის;
- ანალიტიკოსებისთვის;
- ფარმაკოლოგებისთვის;
- ასევე წამლების კვლევასა და შემუშავებაში მომუშავე მეცნიერებისთვის.
ISPC 2026-ის სამეცნიერო პროგრამა მოიცავს პლენარულ ლექციებს, ზეპირ და პოსტერულ პრეზენტაციებს.
სარეგისტრაციო ლინკი იხილეთ აქ
მისამართი: ვაჟა-ფშაველას გამზირი №33, თბილისის სახელმწიფო სამედიცინო უნივერსიტეტი, ადმინისტრაციული კორპუსი, I სართული, II საკონფერენციო დარბაზი.