2021 წლიდან საქართველო შეუერთდა იშვიათი დაავადებების საერთაშორისო ორგანიზაციას ,,Global Cmtc-Ovm Organisation”, რომლის მიზანია მხარი დაუჭიროს თანდაყოლილი ტელეანგიექტაზიური მარმარილოსებრი კანის სინდრომის და სხვა სისხლძარღვთა იშვიათი მალფორმაციების მქონე ადამიანებს, გააუმჯობესოს მათი ცხოვრების ხარისხი და ხელი შეუწყოს მეცნიერულ კვლევებს ამ დარგში.
ამ მიზნით, თბილისის სახელმწიფო სამედიცინო უნივერსიტეტის მოლეკულური და სამედიცინო გენეტიკის დეპარტამენტის ხელმძღვანელის, პროფესორ თინათინ ტყემალაძის ინიციატივით ქართულ ენაზე ითარგმნა და გამოიცა წიგნი "მშობლების გზამკვლევი დიაგნოზის შემდეგ", სადაც განხილულია მრავალი სოციალური, ფსიქოლოგიური და სამედიცინო ასპექტი, რის წინაშეც მრავალი იშვიათი დაავადებების მქონე ოჯახი დგას. წიგნის თარგმნაში მონაწილეობა მიიღეს: თსსუ-ის ემერიტუსმა ელენე აბზიანიძემ, თსსუ-ის წარჩინებულმა სტუდენტებმა ნინო ხაბაზმა და დათა კეკუტიამ, ასევე, დრავეს სინდრომის მქონე შვილის მშობელმა ნატო ნაცვლიშვილმა. ამასთანავე, პროფესორი თინათინ ტყემალაძე არჩეულ იქნა იშვიათი დაავადებების საერთაშორისო ორგანიზაციის პაციენტთა ადვოკატად.
წიგნის გამოცემას მხარდაჭერა გაუწიეს თბილისის სახელმწფო სამედიცინო უნივერსიტეტმა და სამედიცინო გენეტიკისა და ეპიგენეტიკის საქართველოს საზოგადოებამ.
წიგნი განკუთვნილია მკითხველთა ფართო სპექტრისთვის და მნიშვნელოვან დახმარებას აღმოუჩენს იშვიათი დაავადების მქონე მრავალ ოჯახს.
წიგნის სრული ვერსია იხილეთ აქ