თბილისის სახელმწიფო სამედიცინო უნივერსიტეტის კულტურის ცენტრთან არსებულმა კაპელამ „კანტა მედიკა“ საქართველოს ბავშვთა და ახალგაზრდული საგუნდო კოლექტივების X ეროვნულ კონკურსზე მნიშვნელოვან წარმატებას მიაღწია.
კაპელამ, დირიჟორ ნინი ცინცაძის ხელმძღვანელობით, აკადემიური სიმღერის კატეგორიაში კონკურსის უმაღლესი ჯილდო – გრან-პრი მოიპოვა.
ამავე კონკურსის ფარგლებში, გუნდის ხელმძღვანელი და დირიჟორი ნინი ცინცაძე საუკეთესო ქორმაისტერის წოდებით დაჯილდოვდა.
თბილისის სახელმწიფო სამედიცინო უნივერსიტეტი ულოცავს კაპელას „კანტა მედიკა“ წევრებსა და ხელმძღვანელს მიღწეულ წარმატებას!
