გაცნობებთ, რომ 2017 წლის ივნისიდან თბილისის სახელმწიფო სამედიცინო უნივერსტიეტის აკადემიური განვითარების ცენტრში (ადმინისტრაციული კორპუსის მე-5 სართული) იწყება ახალი, 7 დღიანი ტრენინგი "ობიექტურად სტრუქტურირებული კლინიკური გამოცდა (OSCE) - ჩატარების და შეფასების მეთოდოლოგია".
ტრენინგის გავლა აუცილებელია უნივერსიტეტის კლინიკური კათედრების და კლინიკური უნარ-ჩვევების აკადემიური პერსონალისა და მოწვეული პედაგოგებისთვის. მსმენელებს დეტალურად შეასწავლიან OSCE-ს ჩატარების მეთოდოლოგიას (დაგეგმვას, ორგანიზებას, ჩატარებას, შეფასებას და სხვ).
ტრენერები: თსსუ-ის ოდონტოლოგიის დეპარტამენტის ხელმძღვანელი პროფესორი მარინა მამალაძე და კლინიკური უნარ-ჩვევების დეპარტამენტის ხელმძღვანელი ირმა მანჯავიძე.
ტრენინგის მოდულების ნუსხა
1. OSCE-ის მნიშვნელობა სტუდენტების და რეზიდენტების მზადებისთვის
2.OSCE-ის ორგანიზება, კომუნიკაციის და ანალიტიკური აზროვნების უნარების სადგურების დაგეგმვა და შესაბამისი სცენარების შედგენა
3. პრაქტიკული უნარების სადგურების დაგეგმვა და სცენარების შემუშავების მეთოდები
4.შეფასების ძირითადი პრინციპები, სტანდარტიზებული პაციენტის შერჩევის კრიტერიუმები
5. შეფასების ფურცლების შედგენა და ანალიზი (კომუნიკაციის და პრაქტიკული უნარების სადგურების და სტანდარტიზებული პაციენტის მაგალითებზე)
6. შემფასებლების შერჩევა, მათი ტრენინგი. სადგურების შეფასება და მათი შემდგომი სრულყოფა. უკუკავშირი (feedback) და მისი მნიშვნელობა
7.მსმენელების მიერ შემაჯამებელი პრეზენტაციების წარმოდგენა სპეციალობების მიხედვით
მსმენელთა რეგისტრაცია იწარმოებს თსსუ-ის ადმინისტრაციულ კორპუსში, დიპლომისშემდგომი სამედიცინო განათლებისა და უწყვეტი პროფესიული განვითარების ინსტიტუტში (ადმინისტრაციული კორპუსის მეშვიდე სართული, ოთახი 709, მიმართეთქალბატონ ნანა კალანდაძეს). რეგისტრაციის გავლისთვის საჭიროა პირადობის მოწმობის ასლის წარდგენა.