2012 წლის 2 – 29 ოქტომბრს, თბილისის სახელმწიფო სამედიცინო უნივერისტეტის ფარმაციის ფაკულტეტის ფარმაკოგნოზიის და ბოტანიკის დეპარტამენტის პროფესორი ლაშა მსხილაძე კვლევითი და საგანმანათლებლო მისიით იმყოფებოდა მარსელის უნივერსიტეტის ფარმაციის ფაკულტეტის, ფარმაკოგნოზიის, ეთნოფარმაკოლოგია-ჰომეოპათიის ლაბორატორიაში (საფრანგეთი). საფრანგეთში ყოფნისას ლაშა მსხილაძე გაეცნო ფარმაციის ბაკალავრიატის პროგრამას - ფარმაკოგნოზიაში – „ლექციები და პრაქტიკული მეცადინეობები“, ასევე სამაგისტრო პროგრამის მოდულებს – „ადამიანის გავლენა გარემოზე“ და „ჯანმრთელობა და გარემო“.
აღნიშნული მისია კიდევ ერთ ნაბიჯს წარმოადგენს თსსუ-სა და მარსელის უნივერსიტეტის ხანგრძლივი ურთიერთთანამშრომლობის საქმეში, რომლიც 1997 წელს დაიწყო, მოიცავს ხუთ სადოქტორო დისერტაციას და მრავალრიცხოვან გაცვლით თანამშრომლობას.