2013 წლის 21 მარტს, ისრაელის კომპანია ,,Alpha-Bio tec”–მა, თბილისის სახელმწიფო სამედიცინო უნივერსიტეტს უსასყიდლოდ გადასცა დენტალური იმპლანტაციის შესასწავლად საჭირო საფანტომო საშუალებები: ზედა და ქვედა ყბის მულაჟები, იმპლანტები, ქირურგიული ინსტრუმენტები და სხვა.
კომპანია “Alpha-Bio tec” 25 წელზე მეტია, მსოფლიოს წამყვანი კომპანიაა დენტალური იმპლანტების, პროთეზების, ბიო-მასალებისა და სტომატოლოგიური ინსტრუმენტების განვითარებისა და წარმოების სფეროში.
,,Alpha-Bio tec”-ის ექსკლუზივის მფლობელი კომპანია ,,Impladent”-ის წარმომადგენლებმა, აღმასრულებელმა დირექტორმა ლევან კაკაბაძემ და კომპანიის მენეჯერმა გიორგი მაისურაძემ, სასწავლო მასალები სტომატოლოგიის ფაკულტეტის დეკანს, პროფესორ ს. მღებრიშვილს გადასცეს.