ამერიკელი პროფესორების ლექციები თსსუ–ის დიპლომირებული მედიკოსის ამერიკული პროგრამის სტუდენტებისთვის

2013 წლის 11-21 ნოემბრს, თბილისის სახელმწიფო სამედიცინო უნივერსიტეტს, დიპლომირებული მედიკოსის ამერიკული პროგრამის ფარგლებში ეწვია ემორის უნივერსიტეტის სამედიცინო  სკოლის პროფესორი, საქართველოსა და თბილისის საპატიო მოქალაქე, პროფესორი კენეტ ვოლკერი და ემორის უნივერსიტეტის კვლევითი პროგრამების დირექტორი, საზოგადოებრივი ჯანდაცვის პროფესორი არჩილ უნდილაშვილი.

პროფესორმა კენეტ ვოლკერმა დიპლომირებული მედიკოსის ამერიკული პროგრამის სტუდენტებისთვის წაიკითხა შემდეგი ლექციები:

• „პაციენტის გასინჯვის უნარები“;
• „პაციენტთან კომუნიკაციის უნარები“;
• „პაციენტთან ნდობის მოპოვება“;
• „ პაციენტთან პირველადი ინტერვიუ“;
• „მედიცინის შესწავლა“;
• „დაბრკოლებების დაძლევა სწავლის პროცესში“;  
• „პრეზენტაციის უნარები“;
• “საექიმო საქმიანობის ევოლუცია”.

პროფესორ არჩილ უნდილაშვილმა საზოგადოებრივ ჯანდაცვის მიმართულებით ჩაატარა სემინარები და ჯგუფური პროექტების განხილვა  შემდეგ თემებზე:

• „ ჯანდაცვის სისტემების მიმოხილვა - დაფინანსებების კლასიფიკაცია;
• „ ჯანდაცვის სისტემების მიმოხილვა - სამედიცინო მომსახურების კლასიფიკაცია და საფეხურები“;
• „ჯანდაცვის სისტემების მიმოხილვა - პირველადი, მეორადი ჯანდაცვის სისტემები“;
• „ჯანდაცვის სისტემების მიმოხილვა - ურგენტული მედიცინა“.

2013/14 სასწავლო წლის განმავლობაში, ამერიკელი პროფესორები  სისტემატურად ეწვევიან თბილისის სახელმწიფო სამედიცინო უნივესრიტეტს და დიპლომირებული მედიკოსის ამერიკული პროგრამის სტუდენტებისთვის წაიკითხავენ ლექციებს.