2016 წლის 21 მარტიდან 25 მარტის ჩათვლით, თბილისის სახელმწიფო სამედიცინო უნივერსიტეტის საერთაშორისო ურთიერთობების დეპარტამენტის მთავარი სპეციალისტი ნინო კანდელაკი და თსსუ-ის შინაგან დაავადებათა პროპედევტიკის დეპარტამენტის ასოცირებული პროფესორი ია ავალიანი მივლინებით იმყოფებოდნენ კიშინიოვის (მოლდოვა) ნიკოლაე ტესტემიტანუს სახელობის სახელმწიფო სამედიცინო და ფარმაციის უნივერსიტეტში, სადაც ჩატარდა ერაზმუს მუნდუსის პროექტ „MEDEA“-ს (“Medical Universietis Aliance”) შესარჩევი კომიტეტის მესამე შეხვედრა.
შეხვედრას ესწრებოდნენ: პროექტის კოორდინატორები - ქ. ტულუზის პოლ საბატიეს უნივერსიტეტის, თბილისის სახელმწიფო სამედიცინო უნივერსიტეტის ასევე შესარჩევი კომისიის წევრები - თესალონიკის, ვილნიუსის და ერევნის სამედიცინო უნივერსიტეტების ოფიციალური წარმომადგენლები.
პროექტის ფარგლებში თბილისის სახელმწიფო სამედიცინო უნივერსიტეტის სტუდენტებს შესაძლებლობა ექნებათ ჩაერთონ საერთაშორისო მობილობის პროგრამაში, ისწავლონ ევროპის წამყვან უმაღლეს სასწავლებლებში და შეიძინონ ახალი გამოცდილება.