2016 წლის 15 ივნისს თბილისის სახელმწიფო სამედიცინო უნივერსიტეტს ეწვია ირანის ისლამური რესპუბლიკის დელეგაცია: ირანის ისლამური რესპუბლიკის საგანგებო და სრულუფლებიანი ელჩი საქართველოში, მისი აღმატებულება აბას თალები ფარი და პროფესორი ამირ ფეჰრესთი.
სტუმრებს შეხვდნენ: თბილისის სახელმწიფო სამედიცინო უნივერსიტეტის ვიცე-რექტორი პროფესორი რიმა ბერიაშვილი და უცხოელ სტუდენტთა განათლების დეპარტამენტის უფროსი, ასოცირებული პროფესორი დავით თოფურია.
შეხვედრას ასევე ესწრებოდა ფიზიკა-მათემატიკის მეცნიერებათა დოქტორი, პროფესორი პაატა კერვალიშვილი.
შეხვედრაზე საუბარი წარიმართა თბილისის სახელმწიფო სამედიცინო უნივერსიტეტის აკადემიურ პერსონალსა და ირანის ისლამური რესპუბლიკის მეცნიერებს შორის თანამშრომლობის პერსპექტივებზე.