ისტორია

2004 წლის 24 აპრილს თბილისის სახელმწიფო სამედიცინო უნივერსიტეტის მეთოდური საბჭოსა და რექტორატის გადაწყვეტილებით უნივერსიტეტში სასწავლო-მეთოდური, სამეცნიერო და სამკურნალო, ასევე კლინიკური საქმიანობის ეფექტურობის ამაღლების მიზნით თსსუ-ში შეიქმნაკლინიკური ჩვევების ცენტრალური ლაბორატორია” (ბრძანება N25/. იხ. დანართი). სწორედ ამ დღიდან ამოქმედდა კლინიკური ჩვევების უნიკალური სასწავლო ლაბორატორია. დირექტორად დაინიშნა მედიცინის მეცნიერებათა დოქტორი, პროფესორი დინარა კასრაძე

სამედიცინო უნივერსიტეტის დიდი ძალისხმევითა და  კლინიკური უნარ ჩვევების სასწავლო ლაბორატორია თავდაპირველად  აღიჭურვა საერთაშორისო კორპორაცია “3B Scientific”-ის მიერ წარმოებული უახლესი სამედიცინო სიმულატორებითა და სხვა სასწავლო საშუალებებით. აღნიშნული კორპორაცია წარმოადგენს ანატომიურ და სამედიცინო-ბიოლოგიურ თვალსაჩინოებათა წარმოების მსოფლიო ლიდერს (ჰამბურგი, გერმანია). 

ლაბორატორიაში სხვადასხვა დროს თანამშრომლობდნენ/დღემდე თანამშრომლობენ მედიცინის დოქტორები: გიორგი ადამაშვილი, ვახტანგ კალოიანი (რეანიმატოლოგები), კახა ქუნთელია, ილია მესხი, გიორგი მიქაბერიძე (ქირურგები), მაკა მირზიაშვილი, თინათინ კილასონია (ოფტლმოლოგები), ნინო ქანთარია, ია ავალიანი, პირდარა ნოზაძე (თერაპევტები), ნატო მეცხვარიშვილი, ეკა შველაშვილი, ნათია ფხალაძე (მეან-გინეკოლოგები) და სხვ

კლინიკური უნარ–ჩვევების ცენტრალური ლაბორატორიის პრეზენტაცია - 2004 წლის 30 მაისი

2008 წელს კლინიკური უნარ–ჩვევების ცენტრალური ლაბორატორია, როგორც ერთ-ერთი განყოფილება, შეუერთდა თსსუ-ის კლინიკური და ექსპერიმენტული მედიცინის ინსტიტუტს (დირექტორიმედიცინის მეცნიერებათა დოქტორი, პროფესორი ზურაბ კაკაბაძე, თანამშრომლებიმედიცინის/ტექნიკის დოქტორები: ეკა ბერიშვილი, ლევან ბენაშვილი, ირაკლი ამირანაშვილი, კოტე კალანდარიშვილი და სხვები). 

2010 წლიდან კლინიკური უნარ-ჩვევების ლაბორატორია კვლავ დამოუკიდებელ ერთეულად იქცა და მის ხელმძღვანელად კვლავ პროფესორი დინარა კასრაძე დაინიშნა

სხვადასხვა დროს ცენტრში მუშაობდნენ ხათუნა ლომური და მზია წიკლაური (პედიატრები),  დალი ჩიტაიშვილი, ეკა შველაშვილი და ნათია ფხალაძე (გინეკოლოგები), ნანა ჯიქიძე, გიორგი კვიცინაძე (რეანიმატოლოგები), ელენე მირზიაშვილი, თინათინ კილასონია (ოფთალმოლოგები), ლია ლომიძე, ირინა კეკელიძე (ოტოლარინგოლოგები), პირდარა ნოზაძე, მედეა ჯღარკავა (შინაგანი მედიცინა),  ლელა ბაინდურაშვილი და მარიამ მაზანაშვილი (რადიოლოგები),  მანანა მამამთავრიშვილი (სასწავლო აღჭურვილობის მეურვე-ლაბორანტი), გიორგი ზაზაძე (ტექნიკური ასისტენტი).

2011 წლის ოქტომბრიდან კლინიკური უნარჩვევების ცენტრს ხელმძღვანელობს პროფესორი ირმა მანჯავიძე. 

2014 წლის სექტემბრიდან  კლინიკური უნარ-ჩვევების  ცენტრში ფუნქციონირებს კლინიკური უნარ-ჩვევების დეპარტამენტი.

2018 წლის აპრილიდან თბილისის სახელმწიფო სამედიცინო უნივერსიტეტის აკადემიური საბჭოს გადაწყვეტილებით ცენტრს შეეცვალა სახელწოდება და ეწოდა „კლინიკური უნარების და მულტიდისციპლინური სიმულაციის ცენტრი“.