თბილისის სახელმწიფო სამედიცინო უნივერსიტეტში, თსსუ-ის სტუდენტებისთვის, ჩატარდა ტრენინგ-კურსი: „სამეცნიერო-კვლევითი პროექტი, კვლევის შედეგების დისემინაცია, ეთიკის საკითხები, პლაგიარიზმის თავიდან აცილება და ინფორმაციული ტექნოლოგიები მეცნიერებაში“.
ღონისძიების მიზანი იყო თსსუ-ის სტუდენტებისთვის სამეცნიერო კვლევების დაგეგმვის, განხორციელებისა და შედეგების გავრცელების თანამედროვე სტანდარტების გაცნობა, რაც ხელს შეუწყობს მათი სამეცნიერო კომპეტენციების გაღრმავებასა და დამოუკიდებელი კვლევითი საქმიანობის განვითარებას.
ტრენინგ-კურსზე მოხსენებებით წარსდგნენ: თბილისის სახელმწიფო სამედიცინო უნივერსიტეტის სამეცნიერო უნარ-ჩვევების ცენტრის ხელმძღვანელი, პროფესორი ლუიზა გაბუნია და ცენტრის უფროსი სპეციალისტები: ასოცირებული პროფესორი შორენა ხეცურიანი და ასოცირებული პროფესორი ნათია გამყრელიძე.
ტრენინგ-კურსი თსსუ-ის სამეცნიერო უნარ-ჩვევების ცენტრის ხელმძღვანელობით, ივანე თარხნიშვილის სახელობის სტუდენტთა სამეცნიერო საზოგადოების ორგანიზებითა და სტუდენტური სამეცნიერო-კვლევითი კლუბის „ენდევორი“ თანაორგანიზებით ჩატარდა.