საფრანგეთის საელჩო საქართველოში თბილისის სამედიცინო უნივერსიტეტის რექტორს, პროფესორ ირაკლი ნატროშვილს, მადლობას უხდის საფრანგეთის ეროვნული დღესასწაულის აღსანიშნავად გამოგზავნილი წერილისთვის.
საფრანგეთის ელჩი საქართველოში, ქალბატონი შერაზ გასრი, თავის წერილში საქართველოსა და საფრანგეთს შორის აკადემიური და სამეცნიერო თანამშრომლობის მნიშვნელობაზე საუბრობს და აღნიშნავს, რომ თბილისის სახელმწიფო სამედიცინო უნივერსიტეტი ორ ქვეყანას შორის კავშირების გაძლიერებაში უდიდეს როლს ასრულებს.
„ბატონო რექტორო, მსურს, გულწრფელი მადლობა გამოვთქვა თქვენი წერილისთვის საფრანგეთის ეროვნულ დღესასწაულთან დაკავშირებით, რომელიც ჩვენი ეროვნული ისტორიის გადამწყვეტ თავს აღნიშნავს და აგრძელებს საფრანგეთის დიპლომატიური ვალდებულების შთაგონებას დემოკრატიული ღირებულებებისა და საერთაშორისო სოლიდარობის სასარგებლოდ.
აკადემიური და სამეცნიერო თანამშრომლობა საქართველოში საფრანგეთის საელჩოს სტრატეგიის გულშია და განსაკუთრებით მოხარული ვარ იმ პარტნიორობისა, რომელიც გვაქვს თბილისის სახელმწიფო სამედიცინო უნივერსიტეტთან. თქვენი სტრუქტურა უმნიშვნელოვანეს როლს თამაშობს ჩვენს ორ ქვეყანას შორის კავშირების გაძლიერებაში, როგორც ამას მოწმობს 2020 წელს, საქართველოს ფრანგულ ინსტიტუტსა და ქუთათელაძის ფარმაკოქიმიის ინსტიტუტს შორის ხელმოწერილი თანამშრომლობა.
დღემდე, საფრანგეთის საელჩო აგრძელებს ძალისხმევას მეცნიერების სფეროში აკადემიური მობილობის გასაძლიერებლად და ერთობლივი კვლევითი ინიციატივების ხელშესაწყობად.
ნება მომეცით, ჩემი მხრივ გადმოგცეთ, ყველაზე გულწრფელი სურვილები თქვენი დაწესებულების მუდმივი განვითარებისა და წარმატებისთვის, ისევე როგორც მისი აკადემიური და სამეცნიერო მიღწევების მზარდი აღიარებისთვის.
გთხოვთ, მიიღოთ, ბატონო რექტორო, ჩემი გულითადი პატივისცემის დასტური.
შერაზ გასრი“, - აღნიშნულია წერილში.
