თსსუ კლინიკური უნარებისა და მულტიდისციპლინური სიმულაციის ცენტრმა LIFESTRAND Erasmus+ პროექტის ფარგლებში “მწვანე სკოლის” უფროსკლასელებს უმასპინძლა.
მონაწილეებმა გაიარეს პირველადი გადაუდებელი დახმარების ინტენსიური ტრენინგი, რაც მოიცავს:
• ახალგაზრდებში უსაფრთხოების კულტურის გაძლიერებას
• რეალურ კრიტიკულ სიტუაციებში სწორი ქმედებების ცოდნას
• ისეთი პრაქტიკული უნარების განვითარებას, რომლებიც ადამიანის სიცოცხლის გადარჩენაზეა ორიენტირებული.
პრაქტიკული ტრენინგები ჩაატარეს ცენტრის გამოცდილმა ინსტრუქტორებმა. მოსწავლეებს შეასწავლეს CPR-ის (გულის-ფილტვის რეანიმაცია) საფუძვლები, ტრავმის შემთხვევაში პირველადი გადაუდებელი დახმარების პრინციპები, უსაფრთხო გარემოს შეფასება და გადაუდებელი სიტუაციებში მოქმედების გეგმა.