The ERASMUS+ HERD Project
თბილისის სახელმწიფო სამედიცინო უნივერსიტეტი „The ERASMUS+ HERD Project“-ის პარტიორი უნივერსიტეტია (პროექტის ნომერი: 598207-EPP-1-2018-1-GE-EPPKA2-CBHE-SP).
პროექტის მიზანია საქართველოს უმაღლესი საგანმანათლებლო დაწესებულებების კვლევითი შესაძლებლობების ამაღლება კვლევისა და განვითარების ერთეულების დანერგვის გზით.
პროექტის ძირითადი ამოცანები:
- კვლევის მენეჯმენტის ერთიანი პლატფორმის დანერგვა, რომელიც ხელს შეუწყობს სამიზნე უნივერსიტეტებში კვლევითი აქტივობების დაგეგმვას, განხორციელებას და შეფასებას.
- ქართული კვლევის პორტალის შექმნა, რომელიც ასახავს საქართველოს უმაღლეს საგანმანათლებლო დაწესებულებებში მიმდინარე კვლევით აქტივობებს, ადამინურ რესურსებს და ინფრასტრუქტურას.
- უნივერსიტეტების ადმინისტრაციული პერსონალის უნარების გაძლიერება კვლევის მენეჯმენტსა და მონაცემთა ანალიზში და, შესაბამისად, კვლევის ხარისხის ამაღლება და სტრატეგიული გეგმის დახვეწა ინსტიტუციურ დონეზე.
- პარტნიორ უნივერსიტეტებში კვლევის ტრანსფერის შესაძლებლობების გაძლიერება და უნივერსიტეტებსა და წარმოებას შორის თანამშრომლობის ხელშეწყობა.
პროექტის მოსალოდნელი შედეგები:
- პარტნიორ უნივერსიტეტებში კვლევისა და განვითარების ერთეულების დანერგვა ან მოდერნიზაცია კვლევის მენეჯმენტისა და ხარისხის მონიტორინგის შესაძლებლობების ამაღლებით.
- კვლევის ეროვნული პლატფორმის - ქართული კვლევის პორტალის შექმნა.
- კვლევის მენეჯმენტში პერსონალის დახელოვნება მონაცემთა ანალიზის შესაბამისი უნარების შეძენით.
- საქართველოს უმაღლესი საგანმანათლებლო დაწესებულებების კვლევითი შესაძლებლობების ოპტიმიზაცია სხვადასხვა დისციპლინებში.
- ინსტიტუციური თანამშრომლობის განვითარება, როგორც ქვეყნის შიგნით, ისე საერთაშორისო დონეზე.
- საქართველოს საერთაშორისო ხილვადობის გაზრდა.
პარტნიორი უნივერსიტეტები:
- ივ. ჯავახიშვილის სახელობის თბილისის სახელმწიფო უნივერსიტეტი
- დრეზდენის ტექნიკური უნივერსიტეტი
- კლერმონ ოვერნის უნივერსიტეტი
- ნიცას სოფია ანტიპოლისის უნივერსიტეტი
- ილიას სახელმწიფო უნივერსიტეტი
- საქართველოს ტექნიკური უნივერსიტეტი
- თბილისის სახელმწიფო სამედიცინო უნივერსიტეტი
- აკაკი წერეთელის სახელობის სახელმწიფო უნივერსიტეტი
- ბათუმის შოთა რუსთაველის სახელობის სახელმწიფო უნივერსიტეტი
- იაკობ გოგებაშვილის სახელობის თელავის სახელმწიფო უნივერსიტეტი
- ვ. სარაჯიშვილის სახელობის თბილისის სახელმწიფო კონსერვატორია
- კავკასიის უნივერსიტეტი
- დავით ტვილდიანის სამედიცინო უნივერსიტეტი
- შავი ზღვის საერთაშორისო უნივერსიტეტი
- საქართველოს საზოგადოებრივ საქმეთა ინსტიტუტი
- საქართველოს განათლებისა და მეცნიერების სამინისტრო