2015 წლიდან თბილისის სახელმწიფო სამედიცინო უნივერსიტეტი ახორციელებს ევროკომისიის მიერ დაფინანსებულ გაცვლით პროგრამებს ,,Erasmus+“-ის პირველი აქტივობის ფარგლებში, რაც გულისხმობს ინდივიდუალურ მობილობებს პარტნიორ უნივერსიტეტებში.
Erasmus+ მობილობის პროგრამის ფარგლებში განხორციელდება:
სტუდენტთა მობილობა - ბაკალავრიატის, მაგისტრატურისა და დოქტორანტურის საფეხურის სტუდენტთა გაცვლა 1 ან 2 სემესტრით კრედიტების დაგროვებით (credit mobility). უცხოეთში გატარებული სასწავლო პერიოდი უნდა შეესაბამებოდეს სტუდენტის სასწავლო პროგრამას გამგზავნ უნივერსიტეტში.
პერსონალის მობილობა
სწავლების მიზნით: ამ აქტივობის ფარგლებში უნივერსიტეტის აკადემიურ პერსონალს საშუალება ეძლევა ასწავლოს პარტნიორ უმაღლეს საგანმანათლებლო დაწესებულებაში.
ტრენინგის მიზნით: აღნიშნული აქტივობის მიზანია უნივერსიტეტის თანამშრომელთა პროფესიული განვითარების ხელშეწყობა პარტნიორ უნივერსიტეტში ტრენინგის (კონფერენციების გარდა) ან სამუშაოზე დაკვირვების (job shadowing) შესაძლებლობების შექმნით.
2018-2019 სასწავლო წლიდან თბილისის სახელმწიფო სამედიცინო უნივერსიტეტი ორმხრივ გაცვლებს განახორციელებს შემდეგ ევროპულ უნივერსიტეტებთან:
1. პოზნანის სამედიცინო მეცნიერებათა უნივერსიტეტი (პოლონეთი);
2. ლუბლინის სამედიცინო უნივერსიტეტი (პოლონეთი)
3. პოვისლანსკის კოლეჯი კვიძინში (პოლონეთი)
4. შჩეცინის დასავლეთ პომერანიანის ტექნოლოგიური უნივერსიტეტი (პოლონეთი)
5. გდანსკის სამედიცინო უნივერსიტეტი (პოლონეთი)
6. პიზის უნივერსიტეტი (იტალია)
7. სასარის უნივერსიტეტი (იტალია)
8. პავიის უნივერსიტეტი (იტალია)
9. პერუჯის უნივერსიტეტი (იტალია)
10. მიდლსექსის უნივერსიტეტი (დიდი ბრიტანეთი)
11. ჩესტერის უნივერსიტეტი (დიდი ბრიტანეთი)
12. კარდიფის მეროპოლიტან უნივერსიტეტი (დიდი ბრიტანეთი)
13. არისტოტელეს სახელობის თესალონიკის უნივერსიტეტი (საბერძნეთი)
14. ტულუზის პოლ საბატიეს სახელობის უნივერსიტეტი (საფრანგეთი)
15. პარიზის ვალ–დე–მარის უნივერსიტეტი (საფრანგეთი)
16. ლიეჟის უნივერსიტეტი (ბელგია)
17. ჰუმბოლდტის უნივერსიტეტი (გერმანია)
18. პორტოს უნივერსიტეტი (პორტუგალია)
19. დებრეცენის უნივერსიტეტი (უნგრეთი)
20. ლატვიის უნივერსიტეტის სამედიცინო კოლეჯი (ლატვია)
21. ინსბრუკის უნივერსიტეტი (ავსტრია)
22. ჯუმჰურიეტის უნივერსიტეტი (თურქეთი)
23. ტალინის სამედიცინო კოლეჯი (ესტონეთი)
24. ტარტუს უნივერსიტეტი (ესტონეთი)
25. სანტიაგო დე კომპოსტელას უნივერსიტეტი (ესპანეთი)
26. პლევენის უნივერსიტეტი (ბულგარეთი)
27. ტარგუ მურეშის მედიცინის და ფარმაციის უნივერსიტეტი (რუმინეთი)