საჯარო სამართლის იურიდიული პირის - თბილისის სახელმწიფო სამედიცინო უნივერსიტეტის აკადემიური საბჭოს
განცხადება
საჯარო სამართლის იურიდიული პირის - თბილისის სახელმწიფო სამედიცინო უნივერსიტეტის
ხარისხის უზრუნველყოფის სამსახურის ხელმძღვანელის არჩევნების გამოცხადებისა და დანიშვნის შესახებ
თსსუ-ის აკადემიური საბჭოს 2024 წლის 1 აპრილის # 24/13 გადაწყვეტილებით, თსსუ-ის ხარისხის უზრუნველყოფის სამსახურის ხელმძღვანელის უფლებამოსილების ვადის გასვლასთან დაკავშირებით, 2024 წლის 18 აპრილს დაინიშნა ხარისხის უზრუნველყოფის სამსახურის ხელმძღვანელის არჩევნები. კანდიდატებმა საარჩევნო კომისიაში უნდა წარმოადგინონ: განცხადება; პირადობის მოწმობა ან პასპორტი, დოქტორის ან მასთან გათანაბრებული აკადემიური ხარისხის ფლობის დამადასტურებელი დოკუმენტის ასლი; ცნობა დაკავებული აკადემიური თანამდებობის (პროფესორი ან ასოცირებული პროფესორი) შესახებ, თსსუ-ში აკადემიურ თანამდებობაზე მუშაობის არანაკლებ ექვსწლიანი გამოცდილების დამადასტურებელი დოკუმენტი; რეზიუმე(CV), კანდიდატის სამოქმედო გეგმა.
თსსუ-ის ხარისხის უზრუნველყოფის სამსახურის ხელმძღვანელობის კანდიდატთა რეგისტრაცია დაიწყება 2024 წლის 8 აპრილს და დასრულდება 2024 წლის 12 აპრილს. რეგისტრაცია იწარმოებს ყოველდღე, 11:00 საათიდან 16:00 საათამდე, გარდა 9 აპრილისა (უქმე).
მის. ვაჟა-ფშაველას 33, თბილისის სახელმწიფო სამედიცინო უნივერსიტეტის ადმინისტრაციული კორპუსი, მეორე სართული, ოთახი N210. ტელ.- 2 542443