სიახლე თბილისის სახელმწიფო სამედიცინო უნივერსიტეტში
თსსუ–ის კლინიკური უნარ–ჩვევების ცენტრის და თსსუ–ის დიპლომისშემდგომი და უწყვეტი პროფესიული განვითარების ინსტიტუტის ორგანიზებით ცხადდება უწყვეტი სამედიცინო განათლების ტრენინგები შემდეგ აკრედიტებულ პროგრამებზე:
1. "ექოკარდიოგრაფიის ბაზისური უნარ–ჩვევების შესწავლა მაღალტექნოლოგიური სიმულატორების გამოყენებით" – 5 დღიანი პროგრამა (25 კრედიტ ქულა). პროგრამის ფარგლებში მსმენელებს საშუალება მიეცემათ:
– მულაჟზე მოძებნონ ექოკარდიოგრაფიის ჩატარებისთვის შესაბამისი წერტილები/ორიენტირები;
– შეისწავლონ ყველა სტანდარტული ექოკარდიოგრაფიული მიდგომა;
– შეძლონ ნორმალური და პათოლოგიური გამოსახულებების გარჩევა, პათოლოგიური ექოგრამების შეფასება კლინიკურ მონაცემებთან მიმართებაში.
2."მუცლის ღრუს ორგანოების ულტრასონოგრაფიის ბაზისური უნარ–ჩვევების შესწავლა მაღალტექნოლოგიური სიმულატორების გამოყენებით" – 5 დღიანი პროგრამა (25 კრედიტ ქულა). პროგრამის ფარგლებში, მსმენელებს საშუალება მიეცემათ:
– მულაჟზე განსაზღვრონ და დააფიქსირონ სხეულის ზედაპირული ანატომიური ორიენტირები;
– გაარჩიონ და სწორად შეაფასონ სხვადასხვა ულტრაბგერითი მიდგომები, ნორმალური და პათოლოგიური ექოგრამები.
3. "თვალის ბადურის დაავადებების შემსწავლელი კურსი სიმულატორის დახმარებით" – 3 დღიანი პროგრამა (15 კრედიტ ქულა). პროგრამის ფარგლებში მსმენელებს საშუალება მიეცემათ:
– ბადურის ნორმალური და პათოლოგიური მდგომარეობების გარჩევა;
– ბადურის გავრცელებული დაავადებების ამოცნობა და პროგნოზირება (ჰიპერტონია, შაქრიანი დიაბეტი, ტოქსოპლაზმოზი და სხვ.) ოფთალმოსკოპის გამოყენებით.
მონაწილეობის მსურველები გთხოვთ დაგვიკავშირდით შემდეგ ნომერზე:
მისამართი:
– ვაჟა–ფშაველას გამზ. N29, II სასწავლო კორპუსი, II სართული, თსსუ–ის კლინიკური უნარ–ჩვევების ცენტრი. ტელ.:254 25 28 / მობ.: 599 89 00 43
– ვაჟა–ფშაველას გამზ. N33, თსსუ–ის ადმინისტრაციული კორპუსი, VII სართული, დიპლომისშემდგომი და უწყვეტი პროფესიული განვითარების ინსტიტუტი, ტელ.: 254 25 43 / 254 25 53