ლ.საყვარელიძის სახელობის დაავადებათა კონტროლის და საზოგადოებრივი ჯანმრთელობის ეროვნული ცენტრი, ლიეტუვის წარმომადგენლებთან ერთად, ევროკავშირის დაძმობილების პროექტის - „დაავადებათა ზედამხედველობის ეროვნული სისტემის გაძლიერება საქართველოში ეპიდემიოლოგიური და მოლეკულური (გენომური) ზედამხედველობის გაუმჯობესების გზით“ ფარგლებში, თბილისის სახელმწიფო სამედიცინო უნივერსიტეტში ჩაატარებს საინფორმაციო სემინარს გენომური ეპიდემიოლოგიის შესახებ.
თარიღი: 1 აპრილი
დრო: 15:00 – 18:00
მისამართი: თსსუ-ის ადმინისტრაციული კორპუსი, I საკონფერენციო დარბაზი. ვაჟა ფშაველას 33
სესიაზე განხილული იქნება:
• გენომური ეპიდემიოლოგია: დნმ, ხეები და საათები
• პრაქტიკული ასპექტები: ეთიკიდან ნიმუშებამდე
• კონკრეტული შემთხვევების განხილვა: სწავლა საავადმყოფოდან პანდემიამდე
• ცრუ/ყალბი მონაცემები, რეალური შედეგები: დეზინფორმაციასთან ბრძოლა გენომის სფეროში
მომხსენებლები:
• დოქტორი მიგლე გაბრიელაიტე, მარი სკლოდოვსკა-კიურის სახელობის პოსტდოქტორანტი მკვლევარი ვილნიუსის უნივერსიტეტში.
• დოვილე იოზაპაიტე, ვილნიუსის უნივერსიტეტი ჰოსპიტლის სანტაროსის კლინიკის (VULSK) ბიობანკის ხელმძღვანელი.
ცნობისთვის, ევროკავშირის დაძმობილების პროექტის მეოთხე კომპონენტის ფარგლებში, საქართველოში გაიმართება ხუთდღიანი შეხვედრები, რომელთა მიზანია საზოგადოებაში გენომურ ზედამხედველობაზე ცნობიერების ამაღლება. ღონისძიებაში მონაწილეობას მიიღებენ დაავადებათა კონტროლისა და საზოგადოებრივი ჯანმრთელობის ეროვნული ცენტრის (NCDC) და ლუგარის ლაბორატორიის წარმომადგენლები, სამედიცინო სფეროს სპეციალისტები, ასევე უმაღლესი და საშუალო განათლების დაწესებულებების წარმომადგენლები.
პროექტის ერთ-ერთი მნიშვნელოვანი აქტივობა კი გაიმართება თბილისის სახელმწიფო სამედიცინო უნივერსიტეტში (თსსუ), სადაც ერთი დღე დაეთმობა სემინარებს, რომლებიც ხელს შეუწყობს გენომურ ზედამხედველობაზე ცოდნის გაღრმავებას და გამოცდილების გაზიარებას.