თბილისის სახელმწიფო სამედიცინო უნივერსიტეტში პროფესორი სარფრაზ აჰმადი თსსუ-ის სტუდენტებისთვის ლექციას ჩაატარებს. ლექცია თემაზე: “მეცნიერება კლინიკურ პრაქტიკაში” 19 მარტს 14:00 საათზე დაიწყება.
ლექციის ჩატარების ადგილი: თსსუ-ის მეორე კორპუსის მე-3 სართულის აუდიტორია. დამსწრეებს ღია დისკუსიის საშუალებაც მიეცემათ.
სარფრაზ აჰმადი 20 წელზე მეტია არის AdventHealth Cancer Institute-ის (ორლანდო, აშშ) გინეკოლოგიური ონკოლოგიის დეპარტამენტის კლინიკური კვლევის დირექტორი და გამოქვეყნებული აქვს 200-მდე პუბლიკაცია ონკოლოგიისა და ჰემატოლოგიის მიმართულებით (h-index – 45). იგი არის რამდენიმე ბიოსამედიცინო ჟურნალის რეცენზენტი, არაერთი კველვითი გრანტის განმახორციელებელი და მიღებული აქვს ეროვნული და საერთაშორისო ჯილდოები დარგში შეტანილი წვლილისთვის.
მისი ამჟამინდელი კვლევა ეხება გინეკოლოგიური/ონკოლოგიური პაციენტების კლინიკო-პათოლოგიურ და ოპერაციულ გამოსავალს, სიმსივნეების უჯრედული/მოლეკულური მექანიზმების შესწავლას და მკურნალობის ახალი მეთოდების შეფასებას ონკო-ჰემატოლოგიურ პაციენტებში.