2019 წლის 18-19 მაისს ბათუმში, ციხისძირში, სასტუმრო „Castello Mare“-ში გაიმართება საერთაშორისო მულტიდისციპლინური კონფერენცია ბიომედიცინაში “Biomed - 2019”. კონფერენცია მიეძღვნება ბიომედიცინის აქტუალურ საკითხებს.
ღონისძიების ორგანიზატორები არიან: ივანე ბერიტაშვილის ექსპერიმენტული ბიომედიცინის ცენტრი, თბილისის სახელმწიფო სამედიცინო უნივერსიტეტი, საერთაშორისო რეოლოგთა საზოგადოება
ღონისძიების თემატიკას წარმოადგენს:
• მულტიდისციპლინური მიდგომა თანამედროვე მეცნიერებაში
• პოლიპროფილური მედიცინა
• ბიომედიცინა, ბიორეოლოგია, ბიოტექნოლოგია
• ბიოქიმია და ბიოფიზიკა ფუნდამენტურ და კლინიკურ მედიცინაში. მიკრო- და ნანობიომექანიკა
• ინოვაციური მეთოდები. ბიოლოგიური, მათემატიკური და პროგრამული მოდელირება. ბიოინფორმატიკა
• ეკონომიკური ასპექტი ბიომედიცინაში. ციფრული მედიცინა. Blockchain და Python მედიცინაში
• ბიომასალების როლი ბიომედიცინაში
• თეორიული, კლინიკური და ეკოლოგიური ტოქსიკოლოგია
• რადიოლოგია და რადიაციული უსაფრთხოება
• საკვები, ბიოლოგიურად აქტიური ნივთიერებები, ფარმაკოპრეპარატები და ჯანმრთელობა
• თავის ტვინი, მისი ფუნქციები და რეგულაციები:
- ძილ-ღვიძილის ციკლი
- ტკივილი და ანალგეზია
- ქცევა და კოგნიტური ფუნქციები
- სტრესი
- ექსპერიმენტული და კლინიკური ნევროლოგია
- ნეიროფიზიოლოგია
- ულტრა- და ნანოარქიტექტონიკა
• უჯრედების შიგთავსის და მემბრანის სტრუქტურა. უჯრედების აგრეგაციის და მემბრანის დეფორმაციის მექანიზმები. გენომი
• სისხლი, სისხლის მიმოქცევა, სისხლის დენადობა ფიზიოლოგიასა და პათოლოგიაში
• თრომბების და სტაზების ფორმირება
• თეორიული ჰემოდინამიკა და ჰემორეოლოგია
• კლინიკური ჰემორეოლოგია (კარდიოვასკულური, ნევროლოგიური, ონკოლოგიური და სხვა დაავადებების დროს)
• ნავთობპროდუქტების, ზეთების, სასურსათო, სამშენებლო მასების რეოლოგია
ღონისძიების ფარგლებში გაიმართება პლენარული და სექციული სხდომები, მრგვალი მაგიდა, B2B (საშუამავლო ღონისძიება), გამოფენა. ახალგაზრდა მკვლევარების და სტუდენტების მოხსენებებს დაეთმობათ სპეციალური სესია.
თეზისების წარდგენის ბოლო ვადაა: 2019 წლის 1 მარტი
თეზისების გაფორმების წესი და დეტალები სარეგისტრაციო მოსაკრებელის შესახებ იხილეთ საიტზე: biomedicine2019
თეზისების გამოგზავნა შეგიძლიათ е-mail-ზე: biomedicine.med@gmail.com ან საიტის მეშვეობით biomedicine2019.
საორგანიზაციო კომიტეტის მისამართია: ბერიტაშვილის ექსპერიმენტული ბიომედიცინის ცენტრი, 0160, თბილისი, საქართველო, გოთუას ქ. 14, ოთახი #101 ან #801.