2021 წლის 16 ნოემბერს, (12:30 - 17:00) თბილისის სახელმწიფო სამედიცინო უნივერსიტეტის, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, ივანე ბერიტაშვილის ექპერიმენტული ბიომედიცინის ცენტრისა და თბილისის მუნიციპალიტეტის მერიის ორგანიზებით ჩატარდება საერთაშორისო კონფერენცია - "რადიაციული რისკის მართვის თანამედროვე მიდგომები ურბანულ ზონებში (სისტემებში)".
კონფერენციაზე განიხილება რადიაციული რისკების შეფასებისა და მართვის თანამედროვე პრობლემატიკა, ამ სფეროში მოღვაწე პროფესიონალთა მომზადება-გადამზადების საკითხები:
• მედიცინაში (რადიოთერაპია, დიაგნოსტიკური რადიოლოგია) დოზებისა და რისკების მართვის მეთოდოლოგიური საკითხები, მათ შორის, რადიაციული ზემოქმედების შორეული ქსოვილოვანი ეფექტების პროგნოზისა და მონიტორინგის თანამედროვე მიდგომები.
• რადიაციულ დაცვაში მედიცინისა და ჯანდაცვის პროფესიონალთა მომზადებისა და ტრეინინგების ინფრასტრუქტურისა და სასწავლო-მეთოდური უზრუნველყოფის შემდგომი განვითარების საკითხები;
• COVID-19 პანდემიის პირობებში სხივური ვიზუალიზაციის მეთოდების უსაფრთხო და ეფექტური გამოყენების საკითხები;
• რადიაციულ რისკებთან მიმართებაში მოსახლეობის ინფორმირებულობის ამაღლების გზები.
მისამართი: ვაჟა-ფშაველას გამზირი #33, თბილისის სახელმწიფო სამედიცინო უნივერსიტეტის ადმინისტრაციული შენობა, პირველი სართული, „საბჭოების სხდომათა დარბაზი“.