საჯარო სამართლის იურიდიული პირის - თბილისის სახელმწიფო სამედიცინო უნივერსიტეტის აკადემიური საბჭოს
განცხადება
საჯარო სამართლის იურიდიული პირის - თბილისის სახელმწიფო სამედიცინო უნივერსიტეტის
კანცლერის (ადმინისტრაციის ხელმძღვანელის) არჩევნების გამოცხადებისა და დანიშვნის შესახებ
თსსუ-ის აკადემიური საბჭოს 2023 წლის 16 ოქტომბრის გადაწყვეტილებით, თსსუ-ის კანცლერის უფლებამოსილების ვადის გასვლასთან დაკავშირებით, 2023 წლის 3 ნოემბერს დაინიშნა კანცლერის არჩევნები. კანდიდატებმა საარჩევნო კომისიაში უნდა წარმოადგინონ: განცხადება; პირადობის მოწმობა ან პასპორტი; დოქტორის ან მასთან გათანაბრებული აკადემიური ხარისხის ფლობის დამადასტურებელი დოკუმენტის ასლი; ადმინისტრაციულ თანამდებობაზე არანაკლებ ხუთწლიანი სამუშაო გამოცდილების დამადასტურებელი დოკუმენტი; კანდიდატის სამოქმედო გეგმა.
თსსუ-ის ადმინისტრაციის ხელმძღვანელის (კანცლერის) თანამდებობის დასაკავებლად კანდიდატთა რეგისტრაცია დაიწყება 2023 წლის 23 ოქტომბერს და დასრულდება 2023 წლის 27 ოქტომბერს. რეგისტრაცია იწარმოებს ყოველდღე, 11:00 საათიდან 16:00 საათამდე.
მის.: ვაჟა-ფშაველას 33, თბილისის სახელმწიფო სამედიცინო უნივერსიტეტის ადმინისტრაციული კორპუსი, მეორე სართული, ოთახი 206. ტელ: 2 542443