თბილისის სახელმწიფო სამედიცინო უნივერსიტეტის ERASMUS+-ის კოორდინატორი ნინო კანდელაკი იმყოფებოდა ბერლინში სამუშაო შეხვედრაზე, რომელიც ERASMUS+ საერთაშორისო კრედიტ-მობილობის პროგრამის ფარგლებში, პარტნიორი უნივერსიტეტების კოორდინატორებთან ჩაატარა ბერლინის ჰუმბოლტის სახელობის უნივერსიტეტმა (გერმანია).
შეხვედრაში მონაწილეობდა ევროპის 12 უნივერსიტეტის 28 წარმომადგენელი.
თბილისის სახელმწიფო სამედიცინო უნივერსიტეტის წარმომადგენლის, ნინო კანდელაკის პრეზენტაციამ თსსუ-ის საერთაშორისო პროექტების და ინტერნაციონალიზაცის შესახებ დამსწრეთა ინტერესი დაიმსახურა.
ვიზიტის ფარგლებში, ნინო კანდელაკი შეხვდა შარიტეს საუნივერსიტეტო კლინიკის საერთაშორისო ურთიერთობების დეპარტამენტის თანამშრომლებს: ულრიკე არნოლდს, ლუც შტაინერს, პამელა გლოვაცკის და თბილისის სახელმწიფო სამედიცინო უნივერსიტეტის სტუდენტებს, რომლებიც ERASMUS+-ის გრანტით ამთავრებენ სადოქტორო პროგრამას შარიტეს საუნივერსიტეტო კლინიკაში.
შეხვედრისას განიხილეს უნივერსიტეტებს შორის გაცვლითი პროგრამების დეტალები, დაიგეგმა თსსუ-ის ოთხი დოქტორანტის დაფინანსება 3 თვის განმავლობაში შესაბამისი მოდულების გასავლელად.
ასევე განიხილეს აკადემიური პერსონალის გაცვლითი პროგრამის საკითხი.
ეს პროექტი 2019 წლის ივლისის ჩათვლით გაგრძელდება.