24–26 აპრილს ოჯახის ექიმთა მასწავლებლების ევროპის აკადემიის (EURACT) საბჭოს მორიგი სხდომა გაიმართა სკოპიეში (მაკედონია). სხდომას ესწრებოდა თსსუ–ის საოჯახო მედიცინის ასოცირებული პროფესორი, ოჯახის ექიმთა მასწავლებლების ევროპის აკადემიის საბჭოს წევრი საქართველოდან – გივი ჯავაშვილი.
სხდომაზე განიხილეს საორგანიზაციო საკითხები, საბჭომ დაამტკიცა EURACT-ის ახალი წევრები, მათ შორის ერთი ახალი წევრი საქართველოდანაც – მირანდა ტიგინაშვილი, რის შემდეგაც ჩვენი ქვეყნიდან უკვე 25 წევრია გაერთიანებული საბჭოში. საბჭოს მორიგი სხდომა გაიმართება 2014 წელს, 2–4 ოქტომბერს პორტოში (პორტუგალია). სამომავლოდ კი გადაწყდა, რომ EURACT-ის ეგიდით შემუშავებული სასწავლო კურსების ციკლის Leonardo-ს ფარგლებში მომავალ წელს (2015 წლის ოქტომბერში) საქართველოში ჩატარდება განახლებული სასწავლო კურსი. სავარაუდოდ, საქართველოდან უფასოდ მონაწილეობა შეეძლება 3 მასწავლებელს, რომლებიც სამედიცინო სფეროში მუშაობენ. ეს საკმაოდ მნიშვნელოვანი გადაწყვეტილებაა.