2014 წლის 29 დეკემბერს თბილისის სახელმწიფო სამედიცინო უნივერსიტეტში სტუმრად იმყოფებოდა  თბილისის მე–8 საჯარო სკოლის  30 მეცრეკლასელი.

სკოლის მოსწავლეებმა დიდი ინტერესით დაათვალიერეს სამედიცინო უნივერსიტეტის მოლეკულური და  სამედიცინო გენეტიკის დეპარტამენტთან არსებული  მუზეუმი და თბილისის სახელმწიფო სამედიცინო უნივერსიტეტის კლინიკური უნარ-ჩვევების ლაბორატორია .

საჯარო სკოლის მოსწავლეების სტუმრობა სამედიცინო უნივერსიტეტში განხორციელდა საქართველოს განათლებისა და მეცნიერების სამინისტროს პროგრამის ფარგლებში. აღნიშნული პროგრამა – „პროფესიული  ორიენტაცია და კარიერის დაგეგმვა“,  2013 წლიდან ხორციელდება   განათლების სამინისტროს მანდატურის სამსახურის მიერ და მისი   მიზანია,  დაეხმაროს დამამთავრებელი კლასების მოსწავლეებს პროფესიული არჩევანის გაკეთებაში.

პროგრამის ფარგლებში ტარდება მოსწავლეთა შეხვედრები სხვადასხვა პროფესიის წარმომადგენლებთან ამ პროფესიების შესახებ მეტი ინფორმაციის მიღების მიზნით.

ამჟამად პროგრამა მიმდინარეობს საპილოტე რეჟიმში და მასში, საქართველოს მასშტაბით, ჩართულია   477  საჯარო სკოლის  მეცხრეკლასელი.