2018 წლის 23 სექტემბერს, თბილისის
სახელმწიფო სამედიცინო უნივერსიტეტის ადმინისტრაციამ განსაკუთრებული საჩუქარი
გაუკეთა პირველსემესტრელებს. გართობისა და დასვენებისთვის შექმნილ „orbeti green
space“-ის სივრცეში 300-მდე
პირველსემესტრელი სტუდენტისთვის გაიმართა ღონისძიება, რომელიც მოიცავდა სხვადასხვა აქტივობებს: მხიარული თამაშების ჩემპიონატი, ბუშტების ფეხბურთი და სხვა გასართობი ღონისძიებები. სტუდენტებს უნივერსიტეტის
სახელით მიესალმნენ და სწავლის დაწყება მიულოცეს თსსუ-ის სტუდენტებთან და კურსდამთავრებულებთან
ურთიერთობის სამსახურის მთავარი სპეციალისტები მიხეილ დიაკონიძე და თამარ
საგანელიძე.
თამაშებში გამარჯვებულ სტუდენტებს სამახსოვრო სერთიფიკატები, მედლები და თასები გადაეცათ.
ღონისძიების ორგანიზატორი თბილისის სახელმწიფო სამედიცინო უნივერსიტეტის სტუდენტებთან და კურსდამთავრებულებთან ურთიერთობის სამსახური, ხოლო მხარდამჭერი თსსუ-ის საზოგადოებასთან ურთიერთობის და პროტოკოლის სამსახური იყო.