2023 წლის 15 დეკემბერს ევროპის საუნივერსიტეტო სპორტის ფედერაციის (EUSA) სხდომაზე, აღმასრულებელმა კომიტეტმა თბილისის სახელმწიფო სამედიცინო უნივერსიტეტს EUSA-ს ასოცირებული წევრის დროებითი სტატუსი მიანიჭა.
2025 წლის ოქტომბერში დაგეგმილია გენერალური ასამბლეა, სადაც ევროპის საუნივერსიტეტო სპორტის ფედერაციის (EUSA) აღმასრულებელი კომიტეტი, ოფიციალური წევრობის სტატუსის დასამტკიცებლად წარადგენს ასოცირებული წევრების სტატუსის მქონე უნივერსიტეტების სიას, რომელთა შორისაა თბილისის სახელმწიფო სამედიცინო უნივერსიტეტი.
საკითხის საბოლოო განხილვამდე, თბილისის სახელმწიფო სამედიცინო უნივერსიტეტი ისარგებლებს ევროპის საუნივერსიტეტო სპორტის ფედერაციის (EUSA) მიერ, ასოცირებული წევრის დროებითი სტატუსის ფარგლებში მინიჭებული ყველა უპირატესობით.