თბილისის სახელმწიფო სამედიცინო უნივერსიტეტში მედიცინის ფაკულტეტის მეთორმეტე სემესტრის სტუდენტებს დამამთავრებელი გამოცდები დაეწყოთ. ბოლო სემესტრელების ცოდნა ფასდება როგორც თეორიული, ასევე პრაქტიკული (ობიექტურად სტრუქტურირებული კლინიკური გამოცდა - OSCE) გამოცდით.

დამამთავრებელი გამოცდები, ტესტური - საგამოცდო ცენტრში, ხოლო OSCE  - კლინიკური უნარებისა და მულტიდისციპლინური სიმულაციის ცენტრში, 3 დღის განმავლობაში გაგრძელდება და მასში ეტაპობრივად მონაწილეობას 400-ზე მეტი სტუდენტი მიიღებს. 

სტუდენტების კლინიკურ უნარებს რეალურ სიტუაციებთან მაქსიმალურად მიახლოებულ გარემოში შეაფასებენ. OSCE-ის შედეგები მნიშვნელოვან გავლენას ახდენს საერთო აკადემიური შედეგების შეფასებაზე.

გამოცდის პროცესი მოიცავს სხვადასხვა სახის სიმულაციურ 12 სადგურს, სადაც სტუდენტები სიმულაციურ პაციენტებთან  სამედიცინო ამოცანებსა და კლინიკურ მანიპულაციებს ასრულებენ.

• საგამოცდო საკითხები წარმოდგენილია შემდეგი მიმართულებებით: 

• შინაგანი მედიცინის და გერიატრიის საფუძვლები;

• კლინიკური უნარების მულტიდისციპლინური სიმულაცია;

• საოჯახო მედიცინა;

• კლინიკური ფარმაკოლოგია;

• კლინიკური რადიოლოგია.

ობიექტურად სტრუქტურირებული კლინიკური გამოცდა (OSCE) სერტიფიცირების ერთ-ერთი მნიშვნელოვანი კომპონენტია და მიზნად ისახავს სტუდენტების კლინიკური მზადყოფნისა და პროფესიული კომპეტენციის სრულფასოვნად შეფასებას.