2014 წლის 16-18 ოქტომბერს ჩერნივცის (უკრაინა) სახელმწიფო სამედიცინო უნივერსიტეტის რექტორის პროფესორ ტარას ბოიჩუკის მიწვევით თბილისის სახელმწიფო სამედიცინო უნივერსიტეტის რექტორი, პროფესორი ზურაბ ვადაჭკორია დაესწრო ჩერნივცის სახელმწიფო სამედიცინო უნივერსიტეტის დაარსების 70-ე წლისთავისადმი მიძღვნილ ღონისძიებებსა და უკრაინის სამედიცინო ასოციაციების გაერთიანების მსოფლიო ფედერაციის კონგრესს.
![]() |
![]() |
![]() |
მან, თსსუ-ის სახელით, მისასალმებელი სიტყვით მიმართა ღონისძიების მონაწილეებს. დაათვალიერა უნივერსიტეტის ზოგიერთი კლინიკური ბაზა, უნივერსიტეტის ისტორიის მუზეუმი. ესაუბრა კოლეგებს და მათ თსსუ-სთან თანამშრომლობის კონკრეტული ღონისძიებები შესთავაზა. თსსუ-ის რექტორმა მოინახულა 203 წლის ისტორიის მქონე ჩერნივცის საექთნო სახელმწიფო კოლეჯი, რომლის ხელმძღვანელმა, ბატონმა ოლექსანდრე კულიკმა და მისმა მოადგილემ, ქალბატონმა ეფროსინია კუზიკმა გამოთქვეს თსსუ-ის საექთნო სკოლასთან თანამშრომლობის დიდი სურვილი და მზადყოფნა.
თსსუ-ის რექტორი შეხვდა და ესაუბრა უკრაინის სამედიცინო ასოციაციების თავმჯდომარეს მიკოლა ტუშჩუკს, რომელიც დააკავშირა საქართველოს ექიმთა ასოციაციების გაერთიანების აღმასრულებელ დირექტორთან, ბატონ არჩილ მორჩილაძესთან.
![]() |
![]() |
![]() |
პროფესორ ზურაბ ვადაჭკორიას საქმიანი შეხვედრები ჰქონდა ღონისძიებებზე დამსწრე უკრაინელ კოლეგებთან: უკრაინის ჯანდაცვის მინისტრის მოადგილესთან ალიონა ტერეშენკოსთან, უკრაინის ჯანდაცვის სამინისტროს საერთაშორისო პროგრამების ცენტრის დირექტორთან იური ფისუნთან, ვინიცის სამედიცინო უნივერსიტეტის პროფესორთან სერგეი კლინიჩთან, უცხოური დელეგაციების წევრ კოლეგებთან აშშ-დან, კანადიდან, შვეიცარიიდან, მოლდოვადან, რუმინეთიდან, უზბეკეთიდან. როგორც თსსუ-ის რექტორმა აღნიშნა: “ყველაზე მნიშვნელოვანი იყო უნივერსიტეტის რექტორთან, პროფესორ ტარას ბოიჩუკთან საუბარი ჩვენი უნივერსიტეტების სამომავლო ურთიერთობების შესახებ. დაიგეგმა სამუშაო გრაფიკების შექმნა კონკრეტული მიმართულებებით. Dდაიგეგმა პირველი ღონისძიებაც – 2015 წლის ზაფხულში თსსუ-ის 20 სტუდენტი გაემგზავრება ჩერნივციში საზაფხულო სკოლა-სემინარში მონაწილეობის მისაღებად”.
პროფესორმა ზურაბ ვადაჭკორიამ განსაკუთრებული მადლიერება გამოხატა უშუალო მასპინძლის, შინაგან სნეულებათა პროპედევტიკის კათედრის გამგის, პროფესორ ტატიანა ილაშჩუკის მიმართ, რომელმაც უდიდესი ყურადღება და სტუმართმოყვარეობა გამოიჩინა ქართველი სტუმრისადმი.
![]() |
![]() |
![]() |