თბილისის სახელმწიფო სამედიცინო უნივერსიტეტის მედიცინის ფაკულტეტის სტუდენტებმა, საერთაშორისო სამეცნიერო კონფერენციაზე („ნეიროდეგენერაციული დაავადებები: ცხოვრების ხარისხი და მართვა“) წარდგენილი პოსტერული მოხსენებით, პირველი ადგილი მოიპოვეს. 

პოსტერული მოხსენება თემაზე: „RBD ძილის დარღვევები პარკინსონის დაავადების დროს: შემთხვევის აღწერაზე დაფუძნებული ლიტერატურული მიმოხილვა და ცხოვრების ხარისხის მენეჯმენტი“ - თსსუ-ის მედიცინის ფაკულტეტის სტუდენტებმა – ნუცა ხუსკივაძემ (მეოთხე კურსი), მაიკო სულაბერიძემ (მეოთხე კურსი) და ბაჩანა აფციაურმა (მეექვსე კურსი) წარადგინეს. 

თსსუ-ის სტუდენტების ნამუშევარი ღონისძიების ჟიურიმ პოსტერული მოხსენებების სესიის ფარგლებში საუკეთესოდ აღიარა.

კონფერენციის ორგანიზატორი იყო საქართველოს ალცჰაიმერის ასოციაცია. ღონისძიეაბში მონაწილეობდნენ დარგის წამყვანი სპეციალისტები, რეზიდენტები და მედიცინის ფაკულტეტის სტუდენტები როგორც საქართველოდან, ისე უცხოეთიდან.