სსიპ  - თბილისის სახელმწიფო სამედიცინო უნივერსიტეტი სტუდენტებისთვის საერთო საცხოვრებელს აშენებს. სამშენებლო პროცესი აქტიურ ფაზაშია. თსსუ-ის მიზანია, რომ ქართველ და უცხოელ სტუდენტებს შესთავაზოს მაღალი სტანდარტის  საერთო საცხოვრებელი, სადაც ახალგაზრდები კომფორტულ და ხარისხიან გარემოში იცხოვრებენ.

თსსუ-ის სტუდენტთა საერთო საცხოვრებელი/სასტუმრო თბილისის ისტორიულ უბანში, უზნაძის  #14 ნომერში შენდება. პროექტის მიხედვით, შენობა შვიდ სართულიანია და გათვლილია 800 ადამიანზე, რაც შესაძლებლობას იძლევა, რომ კომპლექსმა უმასპინძლოს არა მხოლოდ სტუდენტებს, არამედ თსსუ-ის სტუმრებსაც.

საერთო საცხოვრებლის ფარგლებში გათვალისწინებულია:

საბიბლიოთეკო სივრცე;

კვების ობიექტი;

სპორტული აქტივობების სივრცეები;

მიწისქვეშა პარკინგი (25 ავტომობილზე);

სხვადასხვა ტიპის საცხოვრებელი ოთახები — როგორც ინდივიდუალური, ისე ჯგუფური განთავსებისთვის.

სტუდენტებს შესაძლებლობა  ექნებათ სურვილისამებრ განთავსდნენ მარტო, ასევე, შესაძლებელი იქნება, რამდენიმე სტუდენტმა ერთად იცხოვროს.

ტექნიკური მონაცემები და ინფრასტრუქტურა:

საერთო მშენებლობის ფართობი: 16 000 კვ.მ.,

რეკრეაციული სივრცე: მინიმუმ 450 კვ.მ.,

დამატებით დეტალებს საერთო საცხოვრებლის პროექტის შესახებ თსსუ ეტაპობრივად გაგაცნობთ.