![]() |
2017 წლის 12-14 მარტს ბელგიის დედაქალაქ ბრიუსელში ჩატარდა ტემპუსის პროექტის - ,,BME-ENA -Bio Medical Engineering Education Tempus Initiative in Eastern Neighbouring Area“ სამუშაო შეხვედრა ფინასური ანგარიშების და ადმინისტრირების საკითხებზე.
საქართველოს დელეგაციაში შედიოდნენ: საქართველოს ტექნიკური უნივერსიტეტის, აკაკი წერეთლის სახელმწიფო უნივერსიტეტის და თბილისის სახელმწიფო სამედიცინო უნივერსიტეტის წარმომადგენლები. ჩვენს უნივერსიტეტს წარმოადგენდნენ: ბიოფიზიკის დეპარტამენტის ხელმძღვანელი, პროფესორი თამარ სანიკიძე და ,,ერაზმუს +” ის პროგრამის კოორდინატორი ნინო კანდელაკი.
პროექტი სამწლიანია და ევროკომისიის მიერ არის დაფინანსებული. მისი მიზანია ბიოსამედიცინო ინჟინერიის სფეროს ჰარმონიზაცია.
ბიოსამედიცინო ინჟინერია - 21-ე საუკუნის მეცნიერების განსაკუთრებით სწრაფად მზარდი, მულტიდისციპლინური დარგია, რომელიც აერთიანებს ინჟინერიის, ბიოლოგიის და მედიცინის, კომპიუტერული მეცნიერებების ცოდნას და მიმართულია ადამიანის ჯანმრთელობის დაცვის უზრუნველყოფაზე.
ვიზიტისას თსსუ-ის დელეგაცია შეხვდა TEMPUS-ის პროექტის პარტნიორებს და ევროკომისიის აღმასრულებელი სააგენტოს (EACEA- Executive Agency for Education, Audiovisual and Culture ) წარმომადგენლებს.
შეხვედრაზე განისაზღვრა პროექტის ფინანსური ანგარიშის წარდგენის ვადები და მომავალი შეხვედრის ჩატარების ადგილი.