2 აპრილს, თბილისის სახელმწიფო სამედიცინო უნივერსიტეტი აუტიზმის ცნობადობის კამპანიას შეუერთდა. კამპანიის მიზანია აუტიზმის შესახებ საზოგადოების ინფორმირების გაზრდა და აუტისტური სპექტრის მქონე პირებისთვის მხარდაჭერის გაძლიერება.
ამ დღესთან დაკავშირებით, უნივერსიტეტში რამდენიმე აქტივობა გაიმართა.
აუტიზმის ცნობადობის გაზრდის მიზნით ჩატარდა საჯარო ლექცია. მოხსენება თემაზე: „აუტიზმი და მისი სამედიცინო ასპექტები“ თსსუ-ის ვიცე-რექტორმა, ბავშვთა ნევროლოგმა, პროფესორმა სოფიო ბახტაძემ წარადგინა. მან აუდიტორიას გააცნო აუტიზმის შესახებ უახლესი კვლევების შედეგები, რომლებიც მოიცავს 2025 წლის მონაცემებს. ასევე, ყურადღება გაამახვილა აუტისტური სპექტრის დარღვევების ადრეული გამოვლენის მნიშვნელობაზე.
აუტიზმის ცნობადობის საერთაშორისო დღეს თბილისის სახელმწიფო სამედიცინო უნივერსიტეტის მიერ ორგანიზებული კამპანიის ფარგლებში თსსუ-ის სტუდენტებმა მოქალაქეებს საინფორმაციო ფლაერები დაურიგეს, რომელიც შეიცავდა აუტისტური სპექტრის დარღვევების შესახებ დეტალურ ინფორმაციას.
