![]() |
მიმდინარე წლის 14 დეკემბერს თბილისის სახელმწიფო სამედიცინო უნივერსიტეტს ეწვივნენ: მაზარიკის უნივერსიტეტის (ბრნო, ჩეხეთი) ორთოპედიის დეპარტამენტის ასოცირებული პროფესორი მარტინ რეპკო და მრავალპროფილიანი სამედიცინო ცენტრის ,,ინოვა“ კლინიკური დირექტორი, ნეიროქირურგი გოჩა ჩუტკერაშვილი. სტუმრებს შეხვდნენ: თბილისის სახელმწიფო სამედიცინო უნივერსიტეტის რექტორი, პროფესორი ზურაბ ვადაჭკორია, ვიცე-რექტორები: პროფესორი ხათუნა თოდაძე, პროფესორი რიმა ბერიაშვილი, ასოცირებული პროფესორი ირაკლი კოხრეიძე და თსსუ-ის პირველი საუნივერსიტეტო კლინიკის გენერალური დირექტორი გიორგი აბესაძე.
განიხილეს ურთიერთთანამშრომლობის პერსპექტივა. როგორც ასოცირებულმა პროფესორმა მარტინ რეპკომ აღნიშნა, მათთვის საინტერესოა თბილისის სახელმწიფო სამედიცინო უნივერსიტეტთან თანამშრომლობა, როგორც დიპლომამდელი, ისე დიპლომისშემდგომი განათლების სფეროში.