2012 წლის 17-20 დეკემბერს, საქართველოს განათლებისა და მეცნიერების სამინისტროს მიერ ინიცირებულ პროგრამის ფარგლებში, თბილისის სახელმწიფო სამედიცინო უნივერსიტეტს ეწვია დუისბურგის (გერმანია) ყბა-სახის პლასტიკური ქირურგიისა და იმპლანტოლოგიური კლინიკის დელეგაცია - გერმანიის ექიმთა და სტომატოლოგთა ასოციაციების ლექტორები: თსსუ–ის მიერ მოწვეული პროფესორი ჰელმუტ ზიბერი, თსსუ–ის მოწვეული პროფესორი ვიქტორ ვაილერტი და დოქტორი კარსტენ კრაბსი.
თსსუ-ის სტომატოლოგიის ფაკულტეტის სტუდენტებისთვის მოწვეულმა უცხოელმა პროფესორებმა წაიკითხეს ლექციები, ჩაატარეს თსსუ–ის საუნივერსიტეტო გივი ჟვანიას სახელობის პედიატრიის აკადემიურ კლინიკაში ოპერაციები და კონსულტაციები.
ლექციები ჩატარდა შემდეგ თემატიკაზე:
- „ყბა-სახის მიდამოს ტრავმატოლოგია“ – პროფესორი ჰელმუტ ზიბერი;
- „გადაუდებელი მდგომარეობები პრაქტიკულ სტომატოლოგიაში“ – პროფესორი კარსტენ კრაბსი;
- „ადგილობრივი ანესთეზია“ – დოქტოქი კარსტენ კრაბსი;
- „ადგილობრივი ანესთეზიის თავისებურებები სტომატოლოგიაში“ – პროფესორი ვიქტორ ვაილერტი;
- „პირის ღრუს ქირურგიული მომზადება პროთეზირებისთვის“ – პროფესორივიქტორ ვაილერტი.
18 და 19 დეკემბერს თსსუ–ის საუნივერსიტეტო გივი ჟვანიას სახელობის პედიატრიის აკადემიურ კლინიკაში გერმანელმა კოლეგებმა ჩატაარეს ოპერაციები:
- ზედა ტუჩის თანდაყოლილი ორმხრივი სასის ნაპრალების ოპერაციის შემდგომი პერიოდი, ზედა ტუჩის კარიბჭის შექმნა;
- მარჯვენა ქვედა ქუთუთოს ჰემანგიომის ამოკვეთა, დეფექტის აღდგენა ადგილობრივი ქსოვილების საშუალებით;
- ცხვირის ფუძისა და შუბლის მიდამოს ჰემანგიომის ამოკვეთა, დეფექტის აღდგენა ადგილობრივი ქსოვილების საშუალებით;
- სასის ნაპრალის აღდგენის შემდგომ დარჩენილი დეფექტის პლასტიკა;
- ზედა ტუჩის თანდაყოლილი ნაპრალის მთლიანობის აღდგენა;
- ჰეილოპლასტიკის (ზედა ტუჩი) ჩატარების შემდეგ, ცხვირის ნესტოს ნაწიბუროვანი დეფორმაციის კორექცია;
- ცხვირის ატიპიური თანდაყოლილი ნაპრალის აღდგენა.
საქართველოს განათლებისა და მეცნიერების სამინისტროს მიერ ინიცირებული პროექტი – უცხოეთის წამყვანი უნივერსიტეტების პროფესორების ლექციები და ოპერაციები თბილისის სახელმწიფო სამედიცინო უნივერსიტეტსა და საუნივერსიტეტო კლინიკებში – 2012 წლის ბოლომდე გაგრძელდება.