2012 წლის 13,14 და 15 ნოემბერს, საქართველოს განათლებისა და მეცნიერების სამინისტროს პროექტის ფარგლებში, თბილისის სახელმწიფო სამედიცინო უნივერსიტეტს ეწვივნენ  ერზრუმის (თურქეთი) ათათურქის უნივერსიტეტის პროფესორები: ფაჰრი იავუზი, ფატიჰ კარაჩაი, მეტინ აკგუნი, ახმეტ ჰაკიმუფტიოღლუ და ზაქარია აკტურქი, რომლებმაც  სტუდენტებისთვის წაიკითხეს ლექციები: 

პროფესორი ახმეტ ჰაკიმუფტიოღლუ – „ავტონომიური ნერვული სისტემის ფარმაკოლოგია, in vivo ვოლტამეტრიული ტექნოლოგია და გლუტამატი ნევროლოგიური დაავადებებისას“;
პროფესორი მეტინ აკგუნი – „ფილტვების პროფესიული დაავადებები“;
პროფესორი ფატიჰ კარაჩაი – „დამატებითი და ალტერნატიული მეთოდები (CAM)“;
პროფესორი ზაქარია აკტურქი – “პრაქტიკული ბიოსტატისტიკა და კვლევის მეთოდები, SPSS-ის გამოყენება”;
პროფესორი ფაჰრი იავუზი – „ უმაღლესი განათლების ინტერნაციონალიზაცია“.

საქართველოს განათლებისა და მეცნიერების სამინისტროს მიერ ინიცირებული პროექტი – უცხოეთის წამყვანი უნივერსიტეტების პროფესორების ლექციები და ოპერაციები თბილისის სახელმწიფო სამედიცინო უნივერსიტეტსა და საუნივერსიტეტო კლინიკებში – 2012 წლის ბოლომდე გაგრძელდება.