2012 წლის 16 ნოემბერს, 15:00 საათზე, თბილისის სახელმწიფო სამედიცინო უნივერსიტეტის ბიბლიოთეკის “ცისფერ დარბაზში” გაიმართა გლობალური სტუდენტური გაცვლითი პროგრამის პრეზენტაცია. პრეზენტაციის ორგანიზატორები – თბილისის სახელმწიფო სამედიცინო უნივერსიტეტის მედიცინის ფაკულტეტის VI კურსის სტუდენტი, გლობალური სტუდენტური გაცვლითი პროგრამის 2011-2012 წლის გამარჯვებული სალომე კიკვაძე და თსსუ-ის საზოგადოებასთან ურთიერთობის სამსახური.

პრეზენტაციაზე თბილისის სახელმწიფო სამედიცინო უნივერსიტეტის სტუდენტები გაეცნენ გლობალური სტუდენტური გაცვლითი პროგრამის კონკურსის წესებსა და შეხვდნენ პროგრამის გამარჯვებულებს: თიკო შერგელაშვილს, ელენე იორდანიშვილს (თბილისის სახელმწიფო სამედიცინო უნივერსიტეტი), ანი ჩხიკვაძეს (თბილისის სახელმწიფო უნივერსიტეტი), დავით საყვარელიძეს (თავისუფალი უნივერსიტეტი). პრეზენტაციას ესწრებოდა IREX საქართველოს საგანმანათლებლო პროგრამების ოფიცერი ეკატერინე ყუფუნია.