2017 წლის 27 სექტემბერს „ მენიერებისა და ინოვაციების საერთაშორისო ფესტივალი 2017“ -ის ფარგლებში, თბილისის სახელმწიფო სამედიცინო უნივერსიტეტში ჩატარდა კონკურსი-ვიქტორინა - ,,გადაუდებელი სამედიცინო დახმარების შემთხვევები“, რომელშიც მონაწილეობა მიიღეს თსსუ-ის მედიცინის ფაკულტეტის III-VI სემესტრის სტუდენტებმა. ვიქტორინის მომზადებასა და ჩატარებას ხელმძღვანელობდა თსსუ-ის კლინკური უნარ-ჩვევების ცენტრის დირექტორი, პროფესორი ირმა მანჯავიძე. ჯგუფებს მოსამზადებელი ტრენინგები ჩაუტარა და ვიქტორინის მიმდინარეობა შეაფასა ექიმმა რეანიმატოლოგმა, თსსუ-ის პირველი საუნივერსიტეტო კლინიკის გადაუდებელი მედიცინის განყოფილების ხელმძღვანელმა - გიორგი ბერიაშვილმა, ღონისძიების მოდერატორი კი თსსუ–ს კლინიკური უნარ–ჩვევების ცენტრის თანამშრომელი ლაშა ლობჯანიძე გახლდათ. ჯგუფები დროის გრაკვეულ მონაკვეთში ასრულებდნენ სხვადასხვა დავალებებს, როგორიცაა: პაციენტისათვის პირველი დახმარების გაწევა, სისხლდენის შეჩერება, სასიცოცხლო ნიშნების განსაზღვრა, იმობილიზაცია და ტრანსპორტირება; გულ-ფილტვის რეანიმაცია (CPR ) მანეკენზე, პორტატული AED -ის გამოყენება; უცხო სხეულის ამოღების ტექნიკა 1 წლამდე ასაკის ბავშვებში.
მედიცინის ფაკულტეტის სტუდენტებმა წარმატებით გაართვეს თავი მოცემულ დავალებებს და ცოდნისა და მომზადების მაღალი დონე გამოავლინეს.
აღსანიშნავია, რომ ღონისძიებაში აქტიურად მონაწილეობდა საჯარო სკოლის 50-მდე მოსწავლეც, მათ სტუდენტების დახმარებით ჩაატარეს გადაუდებელი სამედიცინო დახმარების პროცედურები.
გუნდებს გადაეცათ სამახსოვრო საჩუქრები.
ვიქტორინას ესწრებოდნენ და მაღალი შეფასება მისცეს: თსსუ–ის რექტორმა, პროფესორმა ზურად ვადაჭკორიამ, კანცლერმა, პროფესორმა ზურაბ ორჯონიკიძემ და ვიცე–რექტორმა, პროფესორმა რიმა ბერიაშვილმა. უნივერსიტეტის ადმინისტრაციამ მხარი დაუჭირა სკოლის მოსწავლეების სურვილს სასწავლებლის სივრცეში კვლავ დაიგეგმოს მსგავსი ტიპის ღონისძიებები.