2021 წლის 25-26 ივნისს თბილისის სახელმწიფო სამედიცინო უნივერსიტეტის  საზოგადოებრივი ჯანდაცვის ფაკულტეტის ორგანიზებით ჩატარდა პირველი საერთაშორისო ონლაინ კონფერენცია - „ჯანდაცვის მომავალი 21 საუკუნეში“,  რომელიც მიეძღვნა თსსუ-ის საზოგადოებრივი ჯანდაცვის, მენეჯმენტის, პოლიტიკისა და ეკონომიკის დეპარტამენტის 95 წლისთავს.

კონფერენციაში მონაწილეობა მიიღეს: თბილისის სახელმწიფო სამედიცინო უნივერსიტეტის და საქართველოს სხვადასხვა უმაღლესი სასწავლებლების სტუდენტებმა, დოქტორანტებმა, მაგისტრებმა და პროფესორ-მასწავლებლებმა,  ასევე, ერევნის (სომხეთი) სახელმწიფო სამედიცინო უნივერსიტეტის,  კაფკას (თურქეთი) უნივერსიტეტის,  ნიტრას (სლოვაკეთი) უნივერსიტეტის, სიენას (იტალია) უნივერსიტეტის,  პარიზის (საფრანგეთი) უნივერსიტეტის  პროფესორ-მასწავლებლებმა და  სტუდენტებმა.

კონფერენციის მუშაობის პირველი დღე დაეთმო პროფესორ-მასწავლებლების სამეცნიერო ანგარიშებს, ხოლო მეორე დღე - სტუდენტების მოხსენებებსა და პოსტერულ პრეზენტაციებს. კონფერენციის მოკლე სესია მიეძღვნა საგანმანათლებლო ონლაინ პლატფორმა ,,კურსერას“ ევროპის რეგიონული დირექტორის, ბატონ ენდი პოლოს პრეზენტაციას.