2015 წლის 24–26 თებერვალს თბილისის სახელმწიფო სამედიცინო უნივერსიტეტის კლინიკური უნარ–ჩვევების ცენტრის დირექტორი, პროფესორი ირმა მანჯავიძე იმყოფებოდა არაბეთის გაერთიანებულ საემიროებში (UAE), მოჰამედ ბინ რაშიდის აკადემიურ სამედიცინო ცენტრში (დუბაი), კონფერენციაზე – „Dubai Healthcare City's 2nd UAE Clinical Simulation Conference to Highlight Simulation as an Integral Teaching Tool in Healthcare“
კონფერენცია, რომლის სლოგანი იყო „სიმულაციები – პაციენტის უსაფრთხოების გული“, ჩატარდა „სიმულაციების მედიცინაში გამოყენების ევროპული ასოციაციის (SESAM)“, გაერთიანებული საემიროების მთავრობისა და სიმულატორების მწარმოებელი მსოფლიო ბრენდ–კომპანიების ორგანიზებით.
კონფერენციაზე პროფესორმა ირმა მანჯავიძემ წარადგინა მოხსენება თემაზე – „სწავლება და შეფასება სიმულატორების გამოყენებით – პაციენტის სამედიცინო მომსახურების გაუმჯობესებისათვის“.
კონფერენციის პარალელურად, საგამოფენო სივრცეში წარმოდგენილი იყო სიმულატორებისა და მულაჟების მწარმოებელი მსოფლიო ბრენდების თანამედროვე მიღწევები.