2018 წლის 29 სექტემბერს თბილისის სახელმწიფო სამედიცინო უნივერსტეტის პაროდონტისა და პირის ღრუს ლორწოვანის დაავადებათა დეპარტამენტის, საქართველოს სტომატოლოგთა პროფესიული ასოციაციის, კომპანია „ალპენ ფარმას“ერთობლივი ორგანიზებით, სამედიცინო უნივერსიტეტის თეატრალურ დარბაზში ჩატარდა სამეცნიერო-პრაქტიკული კონფერენცია თემაზე: “სიახლეები პაროდონტისა და პირის ღრუს ლორწოვანის დაავადებათა კლასიფიკაციაში, დიაგნოსტიკასა და მკურნალობაში.“
კონფერენციის ლექციების თემატიკა :
პაროდონტის დავადებათა ახალი კლასიფიკაცია (ამსტერდამი, 22 ივნისი, 2018 წ.) ნინო აბაშიძე - მ.მ.დ., თსსუ-ის პაროდონტისა და პირის ღრუს ლორწოვანის დაავადებათა დეპარტამენტის ასოცირებული პროფესორი, საქართველოს სტომატოლოგთა ასოციაციის ვიცე-პრეზიდენტი, ქართულ-გერმანული იმპლანტაციის ცენტრ HBI-dentimplant-ის კლინიკური დირექტორი.
სხვადასხვა ტიპის ტრავმებით გამოწვეული სტომატიტები. მათი მკურნალობა და ტრახისანი მანანა ივერიელი - მ.მ.დ., პროფესორი, თსსუ-ის პაროდონტისა და პირის ღრუს ლორწოვანის დაავადებათა დეპარტამენტის ხელ-ლი, საქართველოს სტომატოლოგთა პროფესიული ასოციაციის ვიცე-პრეზიდენტი.
ამ თემატიკის ლექციების, სიაახლეების გაცნობის სურვილი გამოთქვა 500-მდე დამსწრემ: ექიმმა-სტომატოლოგებმა, რეზიდენტებმა, სტუდენტებმა .
თითოეულ მონაწილეს გადაეცა ბროშურის სახით დაბეჭდილი -“ პაროდონტის და პერი-იმპლანტის დაავადებების და მდგომარეობების კლასიფიკაცია“(ამსტერდამი, 22 ივნისი,2018წ.), რომელიც ინგლისურიდან თარგმნეს და მოამზადეს თბილისის სახელმწიფო სამედიცინო უნივერსიტეტის პაროდონტისა და პირის ღრუს ლორწოვანის დაავადებათა თანამშრომლებმა. ქალბატონი მანანა ივერიელის თქმით, თსსუ-ის პაროდონტისა და პირის ღრუს ლორწოვანის დაავადებათა დეპარტამენტმა ყველაფერი გააკეთა იმისთვის, რომ ქართველი სტომატოლოგებისთვის მიეწოდებინათ ის სიახლე, რაზეც წლების მანძილზე მუშაობდნენ ევროპის პაროდონტოლოგები.
თბილისის სახელმწიფო სამედიცინო უნივერსიტეტის ვიცე-რექტორმა, ირაკლი კოხრეიძემ, აღნიშნა, რომ ეს კონფერენცია ზედმიწევნით შეესაბამება თსსუ-ის პოლიტიკასა და პოზიციას, რათა ყველასათვის ხელმისაწდომი იყოს ცოდნა; ამ კონფერენციის მთავარი მიზანიც ხომ ეს იყო- პაროდონტის დაავადებების უახლესი კონცეფციის გაცნობა ფართო საზოგადოებისთვის. კონფერენცია 4 საათი გაგრძელდა, დიდი იყო დამსწრეთა ინტერესი _ ამას ადასტურებს მათი უამრავი შეკითხვა, სურვილი, დისკუსია.