2023 წლის 24-25 მარტს თბილისის სახელმწიფო სამედიცინო უნივერსიტეტში ჩატარდა სტუდენტური სამეცნიერო კონფერენცია ,,სამედიცინო ეკოლოგიის თანამედროვე გამოწვევები’’.

კონფერენციის ორგანიზატორები იყვნენ: თბილისის სახელმწიფო სამედიცინო უნივერსიტეტი, სამედიცინო ეკოლოგიის ასოციაცია, სტუდენტური სამეცნიერო-კვლევითი ორგანიზაცია ,,ენდევორი’’ და ახალგაზრდა მედიკოსთა  ასოციაცია. 

კონფერენცია ჩატარდა თბილისის მერიის კულტურის, განათლების, სპორტისა  და ახალგაზრდულ საქმეთა საქალაქო  სამსახურის ხელშეწყობით და  დაფინანსებით. 

კონფერენციის მუშაობაში მონაწილეობა მიიღეს თსსუ-ის პროფესორ-მასწავლებლებმა, სტუდენტებმა და მოწვეულმა სტუმრებმა.

კონფერენიაზე განიხილეს სამედიცინო ეკოლოგიის აქტუალური საკითხები და თანამედროვე გამოწვევები, ასევე, გადაწყდა, რომ კონფერენცია ჩატარდეს ყოველწლიურად, გაზაფხულობით.