თბილისის სახელმწიფო სამედიცინო უნივერსიტეტის სტუდენტური თვითმმართველობა არის დამოუკიდებელი სტრუქტურული ერთეული, რომელიც ფუნცქიონირებს უნივერსიტეტში. იგი ახორციელებს უმაღლესი განათლების შესახებ საქართველოს კანონითა და უნივერსიტეტის წესდებით გათვალისწინებულ უფლებამოსილებებს, არა მარტო უნივერსიტეტში, არამედ მის ფარგლებს გარეთაც. სტუდენტური თვითმმართველობის მიზანია, საკუთარი უფლებამოსილების ფარგლებში დაიცვას სტუდენტის უფლებები და კანონიერი ინტერესები. დახმარება გაუწიოს მათ სწავლის პერიოდში, შეუქმნას ოპტიმალური პირობები, მათი დასვენების, შრომითი ინტერესების, განათლებისა და სხვა მოთხოვნების დასაკმაყოფილებლად, მრავალფეროვანი გახადოს მათი სტუდენტური ცხოვრება. ამის შესასრულებლად გუნდი ატარებს მრავალ შემეცნებით-საგანმანათლებლო, კულტურულ, სპორტულ და სოციალურ ღონისძიებებს.
სტუდენტური თვითმმართველობა თანამშრომლობს როგორც ადგილობრივ, ასევე საერთაშორისო ორგანიზაციებთან, რათა განახორციელოს მნიშვნელოვანი და ფართო მასშტაბის პროექტები.
სტუდენტური თვითმმართველობა არის უდიდესი გამოცდილება, რომელიც აძლევს სტუდენტებს უნიკალურ შესაძლებლობას, შეიძინონ ისეთი მნიშვნელოვანი უნარ-ჩვეევები როგორიცაა თავდაჯერებულობა, გუნდურობა, მიზანსწრაფულობა და ორგანიზებულობა. ყოველივე ზემოაღნიშნული კი არის კარიერული წინსვლის საწინდარი. ნებისმიერ სტუდენტს აქვს შესაძლებლობა, გახდეს ამ გუნდის წევრი თუ ის დაინტერესებულია და აქვს შესაბამისი სურვილი.
თსსუ-ის სტუდენტური თვითმმართველობის პრეზიდენტი
შალვა მღებრიშვილი