2019 წლის 13 დეკემბერს თბილისის სახელმწიფო სამედიცინო უნივერსიტეტის IV სასწავლო კორპუსში გაიმართა  ფარმაცევტული კომპანია „გეფას“ წარმომადგენლების შეხვედრა  ფარმაციის ფაკულტეტის სტუდენტებთან.  

 ფარმაცევტული კომპანია „გეფა“,  წარმოადგენს სააფთიაქო ქსელების „ფარმადეპოსა” და „ჯპს-ის“ მომწოდებელს.  კომპანია აერთიანებს 300-მდე აფთიაქს საქართველოს მასშტაბით, 2017 წლიდან კი შედის საქართველოს ჯანდაცვის ჯგუფის შემადგენლობაში.

შეხვედრის მიზანი იყო ფარმაციის ფაკულტეტის სტუდენტებისა  და პროფესორ-მასწავლებლებისთვის კომპანიის აქტივობების გაცნობა, შიდა ვაკანსიებისა და  სტაჟირების პროგრამის შეთავაზება , კარიერული ზრდის შესაძლებლობის მიმოხილვა. 

კომპანია „გეფა” სტუდენტებს სთავაზობს: ანაზღაურებად სტაჟირებას სასწავლო პროცესზე მორგებული გრაფიკით (4,6,8 საათიანი სამუშაო დღე, სწავლასთან შეთავსებული) და ყველა წარმატებული სტაჟიორის დასაქმების პერსპექტივას . 

შეხვედრის დასასრულს,  კომპანიაში დასაქმებული   ყველაზე რეიტინგული 15 სტუდენტი, ტრადიციულად, დაჯილდოვდა კომპანიის სახელობის სტიპენდიით, რაც სემესტრში შეადგენს 500  ლარს, მათ  გადაეცათ შესაბამისი სერტიფიკატები.