2021 წლის 31 მაისიდან 5 ივნისის ჩათვლით თბილისის სახელმწიფო სამედიცინო უნივერსიტეტში, დეპარტამენტის ხელმძღვანელებისთვის ჩატარდა 6-დღიანი ტრენინგი „სწავლების, სწავლისა და შეფასების თანამედროვე მიდგომები დიპლომამდელ სამედიცინო განათლებაში”.
შეხვედრებზე დამსწრე საზოგადოება გაეცნო შემდეგ საკითხებს:
• ინტეგრირებული საგანმანათლებლო პროგრამა და სილაბუსი: შემუშავებისა და განხორციელების მეთოდები (პროფესორი ირინე კვაჭაძე);
• პრობლემაზე და კლინიკურ შემთხვევაზე დაფუძნებული სწავლება (PBL და CBCR) (პროფესორი ხათუნა თოდაძე);
• კვლევითი აქტივობის განვითარების თანამედროვე შესაძლებლობები და ფორმები (ასოცირებული პროფესორი სოფიო ბახტაძე);
• სწავლებისა და სწავლის თანამედროვე მეთოდები (პროფესორი რიმა ბერიაშვილი);
• შეფასების თანამედროვე მეთოდები: OSCE და მისი მოდიფიკაციები (პროფესორი მარინა მამალაძე);
• სანდო პროფესიული აქტივობა და შეფასება სამუშაო ადგილზე (EPA - Entrusted Professional Activities, WPBA – Workplace Based Assessment) (პროფესორი გაიანე სიმონია).
ტრენინგი ჩატარდა არადისტანციურ რეჟიმში, ეპიდემიოლოგიური რეგულაციების სრული დაცვით.
თბილისის სახელმწიფო სამედიცინო უნივერსიტეტის პროფესორთა ტრენინგი სამ ეტაპად განხორციელდება. ტრენინგის მეორე ციკლი 7 ივნისიდან 12 ივნისის ჩათვლით ჩატარდება, ხოლო მესამე -14 ივნისიდან 19 ივნისის ჩათვლით.