მიმდინარე წლის 18 ოქტომბერს თბილისის სახელმწიფო სამედიცინო უნივერსიტეტს ტურინის უნივერსიტეტის (იტალია) წარმომადგენლები ეწვივნენ, საერთაშორისო ურთიერთობების დეპარტამენტის თანამშრომლები: ჯოვანი ანდრიოლო და საერთაშორისო გაცვლითი პროგრამების კოორდინატორი კორინა გოცა.
სტუმრებს შეხვდნენ: თსსუ-ის ვიცე-რექტორი, პროფესორი რიმა ბერიაშვილი, ERASMUS+ -ის კოორდინატორი ნინო კანდელაკი, თსსუ-ის აპოლონ ურუშაძის სახელობის სტომატოლოგიური კლინიკის დირექტორი, ასოცირებული პროფესორი ლია სანოძე და კლინიკის დირექტორის მოადგილე სამკურნალო დარგში ჯონი ფოცხვერაშვილი.
სტუმრებმა აღნიშნეს, რომ დაათვალიერეს თსსუ-ის აპოლონ ურუშაძის სახელობის სტომატოლოგიური კლინიკა, ოდონტოლოგიის დეპარტამენტი, შეხვდნენ თსსუ-ის ოდონტოლოგიის დეპარტამენტის ხელმძღვანელს, პროფესორ მარინა მამალაძეს, ვისთანაც განიხილეს სამომავლო გეგმები ტურინის უნივერსიტეტის სტომატოლოგიის ფაკულტეტის და თსსუ-ის სტომატოლოგიური ფაკულტეტის ურთიერთთანამშრომლობის შესახებ. ამ ურთიერთობას იტალიის მხრიდან კურირებას გაუწევს ERASMUS+ -ის კოორდინატორი, ტურინის უნივერსიტეტის სტომატოლოგიის ფაკულტეტის პროფესორი ფრანჩესკო ბასი.
იტალიელმა სტუმრებმა იმედი გამოთქვეს, რომ მომავალში ტურინის უნივერსიტეტსა და თბილისის სახელმწიფო სამედიცინო უნივერსიტეტს შორის აქტიური სამეცნიერო და საგანმანათლებლო ურთიერთობები ჩამოყალიბდება, ERASMUS+ -ის გაცვლითი პროგრამა სტუდენტებისა და აკადემიური პერსონალისთვის ორმხრივად მნიშვნელოვანი და საინტერესო იქნება. ვიზიტის ფარგლებში სტუმრებმა თბილისისა და მცხეთის ღირსშესანიშნაობებიც დაათვალიერეს.
