შოთა რუსთაველის საქართველოს ეროვნული სამეცნიერო ფონდი აცხადებს 2025 წლის შოთა რუსთაველის საქართველოს ეროვნული სამეცნიერო ფონდისა და გერმანიის აკადემიური გაცვლის სამსახურის ერთობლივი „Rustaveli-DAAD“- ის სასტიპენდიო პროგრამის საგრანტო კონკურსს.
საგრანტო კონკურსის ფარგლებში ფინანსდება პროექტები, რომლებიც ითვალისწინებს გერმანიის უმაღლეს საგანმანათლებლო დაწესებულებებსა ან/და კვლევით ინსტიტუტებში სტაჟირებას შემდეგი სუბიექტებისთვის:
ა) ახალგაზრდა მეცნიერებისთვის (საქართველოს მოქალაქე, რომლის დოქტორის აკადემიური ხარისხის მინიჭების დღიდან კონკურსის გამოცხადების დღემდე გასულია არაუმეტეს 12 წლისა) - სტიპენდიის ხანგრძლივობა: არანაკლებ 2 თვისა და არაუმეტეს 6 თვისა;
ბ) დოქტორანტებისთვის - სტიპენდიის ხანგრძლივობა: 3 თვე ;
გ) ერთობლივი სადოქტორო პროგრამების დოქტორანტებისთვის - სტიპენდიის ხანგრძლივობა: 6 თვე.
სტაჟირება უნდა განხორციელდეს 2025 წლის 1 ივნისიდან 30 ნოემბრის ჩათვლით.
რეგისტრაციის გრაფიკი
დოკუმენტები უნდა აიტვირთოს DAAD-ის ელექტრონულ პორტალზე.
რეგისტრაციის საბოლოო ვადაა - 2025 წლის 25 მარტი, 23:00 საათი.
ონლაინ საინფორმაციო შეხვედრები:
• 11 მარტი – 11:00 საათი
• 13 მარტი – 11:00 საათი
• 17 მარტი – 11:00 საათი
• 19 მარტი – 11:00 საათი
კონკურსის პირობები და წარსადგენი დოკუმენტაცია იხილეთ აქ